नवलपुर । नवलपुरको कावासोती नगरपालिकाद्धारा तयार गरिएको बहु उपयोगी कभर्ड हल आयोजना अघि बढ्न सकेको छैन । नगरपालिकाले ६ वर्ष अगाडी कावासोती–८,को क्षेत्रमा बनाउनको लागी तयार गरेको बहुउपयोगी कभर्डहल आयोजनाको काम अघि बढ्न नसकेको हो ।
अन्याधुनिक डिजाइन अनुसार तयार भए पनी जग्गा प्राप्तिमा विवाद भएपछि उक्त आयोजना अघि बढ्न नसकेको कावासोती नगरपालिका आर्किटेक्ट इन्जिनियर पवन रुपाखेतीले बताउनुभयो ।
आइएफआइडी नेपाल अन्तरगत इन्जिनियर सन्तकुमार श्रेष्ठ र आर्किटेक्ट विमला तिवारी लगायतको टिमले तयार गरेको बहुउपयोगी कभर्डहल २हजार ४५७ वर्गामिटर र दुई तला साथै १७ मिटर उचाईको हुनेछ । कभर्डहल बने समग्र नवलपुरका सबै खाले खेल इनडोर खेल खेल्न सकिने नगरपालिका इन्जिनियर पवन रुपाखेतीले बताउनुभयो ।
बहुउपयोगी उक्त कभर्डहलको लागत अनुमानित २४ करोड ५८ लाख ५१ हजार २८ रुपैँया रहेको छ ।
