गायिका मोलिसाले कसिन लगनगाँठो

नवलपुर । गायिका मोलिसा आले मगरले लगनगाँठो कसेकी छन् । माया पिरतीमा बैना मार्दिउकी गीतकी चर्चित गायिका मोलिसा आले मगर झापा निवासी इन्जिनियर मिलन रायमाझीसँग वैवाहिक बन्धनमा बाँधिएकी हुन् ।

विनयी त्रिवेणी गाउँपालिका वडा नम्बर २ का अध्यक्ष पुष्पा आले मगर तथा बुबा मोहन आले मगरकी सुपुत्री गायिका मोलिसा आले मगर साङ्गीतिक क्षेत्रमा चाँडैनै नाम कमाउन सफल रहेकी छन् ।
गायिका मोलिसा , शिव रायमाझी र  कुन्ती रायमाझी छोरा मिलन रायमाझीसँग दुबै परिवारको सहमतिमा आज विवाह बन्धनमा बाँधिएकी हुन् ।
कुनै देखावटी तामझाम नगरी सामान्य रुपमा आज वैवाहिक कार्यक्रम सम्पन्न गरिएको हो । वडा अध्यक्ष पुष्पा आले मगरले देखावटी तामझाम नगरी उदाहरणीय रुपमा विवाह सम्पन्न गर्नुभएको छ ।