नवलपरासी पश्चिममा पत्निले पतिको हत्या गरेको घटना सार्वजनिक भएको छ । जिल्ला प्रहरी कार्यालय नवलपरासी पश्चिमका सूचना अधिकारी भोजराज पाण्डेका अनुसार रामग्राम नगरपालिका १४ बस्ने हशिवुन निशाले आफ्नो पति वर्ष २९ का अब्दुल नसिम खाँको हत्या गरेको खुलेको बताउनुभयो ।
जेठ १७ गते राति घटना घटाएको प्रहरीले बताएको छ। अनुसन्धानमा जेठ १७ गते राति भारतबाट आफ्नो सँगै पढेको साथीसँग सम्पर्क गरि बोलाएर बिहान २ बजेको समया श्रिमान सुतेको समयमा दुई जना मिलि मोबाइल चार्ग गर्ने चार्जरको डाटा केवलले घाँटी कसी हत्या गरि घर देखि सय मिटरको दुरीमा खेतमा खाडल खनि पुरेको अनुसन्धानबाट खुलेको प्रहरीले बताएको छ ।
श्रीमान र श्रीमती बीच पटक पटक झै–झगडा हुने गरेको र श्रीमान अव्दुल नसिम खाँ ले दैनिक रुपमा कुटपिट गर्ने, निज र २ जना छोराहरुको हेरचाह नगर्ने, स्कुलमा पढ्न पनि नपठाउने र घरमा बारम्वार घरेलु हिंसा समेत गर्ने गरेकाले श्रिमतिले साथीसँग मिलि हत्या गरेको खुलेको छ ।
हत्यागर्ने श्रिमतिलाई पक्राउ गरेको छ र उनिसँग हत्यामा संलग्न अर्का व्यक्तिको खोजी कार्य जारी रहेको प्रहरीले बताएको छ ।
हत्यापछि जेठ १९ गते दिउसो श्रिमतिले आफ्नो श्रिमान हराएको भन्दै निवेदन दिएकी थिईन । प्रहरीले सोही दिन साँझ खेतको डिल नजिक पुरेको अवस्थामा मृतकको शव फेला पारेको थियो ।
