बैशाख ६ र ७ गते नवलपुरका २० हजार बढी बालबालिकालाई भिटामिन ए र जुकाको औषधि खुवाइँदै

नवलपुर । बैशाख ६ र ७ गते सञ्चालन हुने राष्ट्रिय भिटामिन ए कार्यक्रम अन्तर्गत जिल्लाका बालबालिकालाई भिटामिन ए तथा जुकाको औषधि खुवाइने भएको छ ।

कार्यक्रम अन्तर्गत ६ महिनादेखि ५९ महिनासम्मका बालबालिकालाई भिटामिन ए र १२ महिनादेखि ५९ महिनासम्मका बालबालिकालाई जुकाको औषधी पनि  खुवाइने छ ।

प्रदेश जनस्वास्थ्य कार्यालय नवलपुरका प्रमुख केशवप्रसाद चापागाईंका अनुसार जिल्लामा १२ महिनादेखि ५९ महिनासम्मका २० हजार ५६५ बालबालिका र ६ महिनादेखि ५९ महिनासम्मका २२ हजार ६३१ बालबालिकालाई भिटामिन ए र जुकाको औषधी खुवाउने लक्ष्य रहेको छ ।

जिल्लाका सबै स्थानीय तहमा दुई दिनसम्म अभियान सञ्चालन गरी बालबालिकालाई औषधि खुवाइने कार्यक्रम रहेको उहाँले जानकारी दिनुभयो ।