माडीमा गैंडाको आक्रमणबाट एक महिलाको मृत्यु

चितवन । चितवनको माडी नगरपालिका–७ गोपालनगरमा गैंडाको आक्रमणबाट एक महिलाको मृत्यु भएको छ ।

आइतवार दिउँसो करिब २ बजेको समयमा सामुदायिक वनमा बाख्राको लागि घाँस काट्न गएकी माडी–७ किर्तनपुर बस्ने ५५ वर्षीय शान्ती नेपालीलाई गैंडाले आक्रमण गरेको थियो ।

गैंडाको आक्रमणबाट गम्भीर घाइते भएकी नेपालीलाई उपचारका लागि बघौडा अस्पताल पु¥याउँदा चिकित्सकले उनलाई मृत घोषणा गरेको जिल्ला प्रहरी कार्यालय चितवनले जानकारी दिएको छ ।