२८ बिगाहामा माघे सङ्क्रान्ति सांस्कृतिक मेला हुँदै

नवलपुर । नवलपुरको कावासोतीमा माघे सङ्क्रान्तिको अवसरमा माघे सङ्क्रान्ति सांस्कृतिक मेला हुने भएको छ । कावासोती नगरपालिका–३, स्थित २८ बिगाहामा २८ बिघा युवा क्लबको आयोजनामा सांस्कृतिक कार्यक्रम हुन लागेको क्लबका अध्यक्ष मनोज अधिकारीले बताउनुभयो ।
२८ बिगाहामा यस अघि पनि माघे सङ्क्रान्ति विशेष कार्यक्रम हुँदै आएकोमा त्यसलाई निरन्तरता दिँदै कार्यक्रमको आयोजना गर्न लागिएको अध्यक्ष अधिकारीले बताउनुभयो । माघ एक गतेका दिन विभिन्न सांस्कृतिक कार्यक्रम गरिने उहाँले बताउनुभयो ।

माघ सङ्क्रान्तिको अवसरमा स्थानीय संस्कृतिको प्रवर्द्धन, कलाकारहरूको प्रोत्साहन सहित यस कार्यमा युवाहरूलाई परिचालन गर्ने उद्देश्य सहित कार्यक्रम गर्न लागिएको कार्यक्रम संयोजक डम्बर बहादुर पुनले बताउनुभयो ।

फाइल तस्विर