देवचुलीमा धारिलो हतियार प्रयोग गरि एक जनाको हत्या

नवलपुर । नवलपरासी (बर्दघाट सुस्ता पूर्व) नवलपुरको देवचुलीमा धारलो हतियार प्रयोग गरि एक जनाको हत्या भएको छ ।  प्रहरीले हत्याको घटनामा संलग्न   आरोपितलाई पक्राउ  गरेको छ । जिल्लाको देवचुली नगरपालिका–९, विशालटार बस्ने २९ वर्षीय मिलन मानन्धरलाई धारितो हतियार प्रयोग गरि हत्या गरेको आरोपमा प्रहरीले देवचुली –९, विशालटारकै ३० वर्षीय अजुर्न नेपालीलाई पक्राउ  गरेको हो ।

२०८१ कात्तिक ९ गते राति साढे नौ बजेको समयमा आरोपित अर्जुन नेपालीले मृतक मिलन मानन्धरको पेटमा  धारिलो हतियारले प्रहार गरेका थिए । धारिलो हतियार प्रयोगबाट गम्भिर घाइते हुनुभएका मिलन मानन्धरको सोही रातिनै उपचारको क्रममा भरतपुर अस्पतालमा मृत्यु भएको थियो ।

धारिलो हतियार प्रयोग गरि फरार आरोपित अर्जुन नेपालीलाई रातिनै प्रहरी भाग्दै गर्दा कावासोती नगरपालिका –१६, डण्डाबाट गिरफतार गरेको जिल्ला प्रहरी कार्यालय नवलपुरका प्रहरी नायव उपरीक्षक जेसी शाहले बताउनुभयो । घटनाको बारेमा थप अनुसन्धान अघि बढाइएको उहाँले बताउनुभयो ।