डेढगाउँ। नवलपरासी ( बर्दघाट सुस्तापूर्व ) नवलपुरको पहाडी क्षेत्रमा पर्ने बौदीकाली गाउँपालिकाले चक्रपथ निर्माणको कामलाई अगाडी बढाएको छ । गाउँपालिका भित्रका सबै ६ वटा वडालाई छुने गरि चक्रपथ निर्माणको काम अगाडी बढाएको हो ।
पहाडी क्षेत्रमा सडक पूर्वाधारको विकास बिना अन्य विकासको सम्भावना नहुने भएपछी महत्वकाक्षी योजनाका रुपमा चक्रपथ निर्माणको कामलाई अगाडी बढाईएको बौदीकाली गाउँपालिकाका अध्यक्ष दुर्गा बहादुर रानाले बताउनुभयो ।
सबै वडाहरुलाई चक्रपथमा समेटी गाउँपालिकाको कार्यालयसम्म सबैको सहज पहूँचकालागि यो योजना अगाडी बढाईएको अध्यक्ष रानाले बताउनुभयो ।
चक्रपथ निर्माण पश्चात सबै वडाको सहज पहूच गाउँपालिकाको केन्द्र संग हुने र यसले गाउँपालिकाबाट प्राप्त गर्ने सेवा लिन स्थानीयलाई सहजता मिल्ने उहाँले बताउनुभयो ।
बौदीकाली गाउँपालिकाको निर्माणाधिन चक्रपथले माईतीघाट, चारघरे, बबक, नरम ,रुचाङ्ग, सिउन हुदै डेढगाउँलाई जोड्ने गाउँपालिकाका प्रमुख प्रशासकिय अधिकृत प्रदिप चन्द्र सुवेदीले बताउनुभयो । गाउँपालिकाको चक्रपथ करिब ५२ किलोमिटर लम्बाईको हुने प्रमुख प्रशासकिय अधिकृत सुवेदीले बताउनुभयो । चक्रपथ निर्माणलकालागि ट्रयाक खोल्ने काम सकिएको अहिले घुम्ती सुधार र स्तरोन्नतीको काम चलिरहेको उहाँले बताउनुभयो । प्रदेश र संघसंगको समन्वयमा चालु आर्थिक वर्षमा रु. ८० लाख बराबरको काम हुदै गरेको उहाँले बताउनुभयो ।
चक्रपथ निर्माणले सबै वडालाई गाउँपालिकाको केन्द्र डेढगाउँसंग जोड्ने हुदा सेवा लिनआउने नागरिकलाई सहजता मिल्ने प्रमुख प्रशासकिय अधिकृत सुवेदीले बताउनुभयो । यो संगै बिभिन्न वडामा उत्पादन हुने कृषिजन्य उपजलाई बजारीकरणमा समेत सहयोग पुग्ने उहाँले बताउनुभयो । ‘चक्रपथ निर्माणले केन्द्रको रुपमा रहेको डेढगाउँलाई सहज रुपमा जोड्ने काम त गर्छनै ’ प्रमुख प्रशासकिय अधिकृत प्रदिप चन्द्र सुवेदीले भन्नुभयो–हरेक वडामा उत्पादन हुने कृषिजन्य उपलाई बजारीकरणमा समेत सहयोग पुग्ने विश्वास लिएका छा्रैं ।
गाउँपालिकाले निर्माण गरिरहेको चक्रपथको स्तरोन्नती गर्दै क्रमश कालोपत्रे गर्ने योजना समेत रहेको प्रमुख प्रशासकिय अधिकृत सुवेदीले बताउनुभयो । प्रदेश ,संघसंगको समन्वयमा गाउँपालिकाले सडकको अवस्था सुधार गर्दै निकट भविश्यमा कालोपत्रे सडकका स्तरोन्नती गर्ने योजना रहेको उहाँले बताउनुभयो ।
