दाउन्नेमा दुर्घटना: यात्रु बाहक बस सडकबाट दुई सय मिटर तल खस्यो

दाउन्ने । पूर्वपश्चिम राजमार्ग  अन्र्तगत नवलपरासी पूर्व नवलपुरको विनयी त्रिवेणी गाउँपालिका २ स्थित दाउन्नेमा यात्रु बहाक बस सडकबाट अन्दाजी दुई सय मिटर तल खसेको छ । करिव ६ बजेको समयमा बुटवलबाट नारायणगढ तर्फ आउदै गरेको ना ५ ख ७००० नम्बर बस दाउन्ने बजार देखि ५० मिटर पूर्व सडकबाट दुई सय मिटर तल खसेको जिल्ला प्रहरी कार्यालय नवलपरासी पूर्वका डिएसपी दिलिप कुमार गिरीले जानकारी दिनुभयो ।

घटना स्थलमा जिल्ला प्रहरी कार्यालयका एसपी प्रकाश मल्ल सहितको टोलि, दाउन्ने प्रहरी चौकी र इलाका प्रहरी कार्यालय दुम्कीबासको टोलिले उद्दार गरिरहेको छ । केही समय अगाडी सम्म दुर्घटना स्थलबाट १६ जनाको उद्दार भइसकेको छ भने अन्यको उद्दार कार्य जारी रहेको प्रहरीले जनाएको छ । घटनाको बिस्तृत विवरण आउन बाँकी छ ।