बाँझो जमिनमा खेती गर्नेलाई प्रोत्साहन

कावासोती । बाँझो जमिनको सदुपयोग र कृषि क्षेत्रको प्रबद्र्धनका लागि कृषि ज्ञान केन्द्र नवलपरासी पूर्वले प्रोत्साहन कार्यक्रम सञ्चालन गरेको छ ।
पछिल्लो समयमा खेतियोग्य जमिन समेत विभिन्न बारणले बाँझो हुनेक्रम बढेको र सरकारले समेत बाँझो जमिन राख्न नपाईने नीति लिएका कारण पनि बाँझो जमिनमा खेती गर्न प्रोत्साहन गर्ने उदेश्यले कार्यक्रम ल्याएको कृषि ज्ञान केन्द्र नवलपरासी पूर्वका कार्यालय प्रमुख गोपाल लामिछानेले जानकारी दिनुभयो । कार्यालय प्रमुख लामिछानेका अनुसार कम्तीमा ३ वर्षसम्म बाँझो रहेको जमिनमा व्यवासायिक खेती गर्न चाहनेहरुलाई प्रोत्साहन कार्यक्रम मार्फत प्रति रोपनी ३ हजार रुपियाँ उपलब्ध गराईने छ । यस कार्यक्रममा कृषक , कृषि फर्म , कृषि कम्पनी , कृषक समूह र कृषि सहकारी सहभागि हुन सक्ने लामिछानेले जानकारी दिनुभयो ।
कृषि ज्ञान केन्द्रको २०७७÷०७८ को स्वीकृत कार्यक्रम अनुसार कार्यक्रम सञ्चालन गनका लागि अहिले आवेददन माग गरिएको कृषि ज्ञान केन्द्र नवलपरासी पूर्वका सुचना अधिकारी शंकर पौडेलले जानकारी दिनुभयो । कार्यक्रममा सहभागि हुन चाहनेहरुले सम्बन्धीत स्थानीय तहबाट कम्तिमा तिन वर्षसम्म बाँझो रहेको जमिन हो भनि, प्रमाणित गर्नुपर्ने पौडेलले बताउनुभयो । उक्त जमिनमा खेती सुरु गरिसकेपछि स्थलगत अनुगमनपछि मात्रै उक्त प्रोत्साहन रकम उपलब्ध गारईने पौडेलले बताउनुभयो । कृषकले बाँझो जमिनमा आफुले चाहेको जुनसुकै कृषि खेति गर्न सक्ने उहाँको भनाई छ ।
यस्तै कार्यलयले व्यवसायिक फलफूल खेती प्रोत्साहन र बीउ उत्पादन सहयोग कार्यक्रम समेत सञ्चालन गरेको छ । व्यवसायिक फलफूल खेती प्रोत्साहन कार्यक्रममा सहभागि हुनेहरुले पनि कम्तिमा ३ रोपनी क्षेत्रफलमा व्यवसायिक फलफूल खेती गर्नुपर्ने पौडेलले बताउनुभयो । यस कार्यक्रममा प्रति रोपनी ५ हजार रुपियाँका दरले अनुदान उपलब्ध गराईने छ । भने , बीउ उत्पादन सहयोग कार्यक्रम अन्तरगत मूल बीउ उत्पादन गर्ने हकमा सम्बन्धीत निकायबाट अनुमती पाएको कृषि फर्म , कृषि कम्पनी , कृषक समूह र कृषक सहकारीलाई बीउ उत्पादनका लागि आवश्यक पर्ने बीउ , विषादी , प्राङ्गारिक मल , कृषि औजार लगायतका सामाग्रीमा ५० प्रतिशत अनुदान उपलब्ध गराईने पौडेलले जानकारी दिनुभयो ।

फाईल फोटो -डेढगाँउ