मध्यविन्दु जिल्ला अस्पतालको दोश्रो वार्षिकोत्सव : सेवा थप, स्वास्थ्य उपचारमा सुधार

कावासोती । मध्यविन्दु जिल्ला अस्पतालको दोश्रो वार्षिकोत्सव कार्यक्रम शुक्रबार भएको छ । सामुदायिक अस्पतालबाट जिल्ला अस्पताल कायम भएको दुई वर्ष पुरा भएको अवशरमा वार्षिकोत्सव विशेष कार्यक्रम संचालन गरिएको हो । अस्पतालको वार्षिकोत्सव कार्यक्रममा बोल्दै सांसद तिलक महतले अस्पतालको शैया वृद्धि गर्दै लैजाने बताउनुभयो । यसको थप स्तरोन्नती गर्दै लैजाने विषयमा सबै सरोकारवालाको भूमिका महत्वपूर्ण हुने बताउनुभयो । सरकारले यसको व्यवस्थापन पहल गर्दै जाने समेत सांसद महतले बताउनुभयो । अहिले पनि नवलपुरका बिरामी अन्यत्र जिल्लाका अस्पतालको भरपर्नुपर्ने अवस्था रहेकाले अन्य जिल्लाको खास गरि चितवनका अस्पतालको बिकल्पका रुपमा यसको विकास गर्नुपर्ने सांसद महतले बताउनुभयो । यसकालागि आफु समेत लागि पर्ने उहाँले बताउनुभयो । विगतमा अस्पताल स्थापना गर्ने देखी अहिले सबैको भावना यस अस्पतालमा जोडिएको स्मरण गर्दै सबै मिलेर यसको थप विकास गर्दै लैजानुपर्ने सांसद महतले बताउनुभयो अस्पतालमा बिरामीको विश्वास बढदै गएकोे र प्राविधिक रुपमा समेत सुधार हुदै गएकोमा उहाँले खुसी व्यक्त गर्नुभयो ।

कार्यक्रममा बोल्दै गण्डकी प्रदेश सभा सदस्य विष्णु प्रसाद लामिछानेले विगतमा समुदायले खेलेको भूमिकाका कारण अस्पताल यो अवस्थामा आएको बताउनुभयो । उहाँले अस्पताल स्थापना देखी अहिले सम्म लागि पर्ने सबैमा सम्मान व्यक्त गर्नुभयो । मध्यविन्दु जिल्ला अस्पताललाई नमूना अस्पतालको रुपमा विकास गर्नुपर्ने उल्लेख गर्दै यसकालागि आफ्नो तर्फबाट गर्नुपर्ने सबै सहयोग रहने प्रदेश सभा सदस्य लामिछानेले बताउनुभयो । उहाँले बिरामी भए भरतपुर जाने भन्ने मानसिकता रहेको भन्दै अब यसको स्तरोन्नती भएको छ, यही उपचार पाईन्छ भन्ने बनाउनतर्फ लाग्नुपर्ने बताउनुभयो ।

वार्षिकोत्सवको अवशरमा शुभकामना दिदै सहायक प्रमुख जिल्ला अधिकारी मोहन बहादुर थापाले अस्पतालको भौतिक विकासको अवस्थालाई समेत सुधार गर्दै जानुपर्ने बताउनुभयो । मध्यविन्दु जिल्ला अस्पताल र अन्य सरकारी अस्पतालबाट दिने स्वास्थ्य सेवा एकै हुने हुदा यसका बारेमा आम मानिसलाई जानकारी दिदै यहाँ बिरामीको थप विश्वास कायम गराउने अवस्था बनाउनुपर्ने बताउनुभयो ।

जिल्ला स्वास्थ्य कार्यालय नवलपुरका प्रमुख केशव प्रसाद चापागाईले मध्यविन्दु जिल्ला अस्पतालको विकासले जनस्वास्थ्यको उपचारमा ठूलो सहयोग पुग्ने बताउनुभयो ।दामियन फाउण्डेसका नेपाल कन्ट्री डाईरेक्टर डा. शुशिल कोईरालाले अस्पतालको विकासमा आफुहरुको सहकार्य रहिरहने बताउनुभयो ।
बार्षिकोत्सवको अवशरमा मध्यविन्दु अस्पतालका उत्कृष्ट कर्मचारीलाई सम्मान समेत गरिएको थियो । यस्तै अस्पतालमा दन्त उपचार सेवाको समेत शुक्रबारनै उद्धघाटन गरिएको छ । अस्पतालले प्रकासन गरेको बुलेटिनको समेत विमोचन गरिएको छ ।

शुक्रबारनै अस्पतालका मे.सु. डा सुनिलराज गौतमको विदाई गरिएको छ । उहाँको स्थामा निमित्त मे.सुको रुपमा डा. कमल प्रसाद न्यौपानेलाई जिम्मेवारी प्रदान गरिएको छ । विदाई पूर्व निवर्तमान मे.सु. डा. सुनिलराज गौतमले अस्पतालको एक वर्षको प्रगति प्रतिवेदन साथै अस्पतालबाट प्रदान गरिदै आएको सेवाको बारेमा जानकारी प्रदानगर्नु भएको थियो ।

कार्यक्रमको अध्यक्षता ग्रहण गर्नुभएका अस्पताल व्यवस्थापन समितिका अध्यक्ष डा. गोपाल खनालले अस्पताललाई यहाँसम्म ल्याउन सहयोग पुर्याउने सबैमा धन्यवाद दिनुभएको थियो । जिल्ला अस्पताल घोषणा पश्चात धेरै उपलब्धी हासिल गर्न सकिएको बताउदै अस्पताल व्यवस्थापन टिम यसको विकासमा निरन्तर लागि रहेको अध्यक्ष खनालले बताउनुभयो ।

कार्यक्रममा नवलपुर उद्योग वाणिज्य संघका अध्यक्ष डासुराज पोखे्रल, हेचर नेपालका अध्यक्ष रामराज पण्डीत, पदमराज लम्साल, कृष्ण बहादुर दंङ्गाल लगाएको उपस्थिती रहेको थियो । कार्यक्रमको सहजिकरण अस्पताल व्यवस्थापन समितीका सदस्य नरनाथ पाण्डेले गर्नुभएको थियो ।