दाउन्ने र बौदिकालीमा भएको दुर्घटनामा एकको मृत्यु,चार घाइते

कावासोती । नवलपुरमा भएका दुई छुट्टा छुट्टै सवारी दुर्घटनामा एक जनाको मृत्युु भएको छ । दुर्घटनामा परी चार जना घाइते भएका छन् । जिल्ला प्रहरी कार्यालय नवलपरासी (बर्दघाट सुस्तापूर्व) नवलपुरमा प्रहरी नायव उपरीक्षक दिलिप कुमार गिरीका अनुसार पूर्व पश्चिम राजमार्गको दाउन्नेमा बुधबार दिउसो बस आफै अनियन्त्रित भएर सडक छेउमा पल्टिँदा बसका चालकको मृत्यु भएको छ । विनयी त्रिवेणी गाउँपालिका –२, दाउन्नेस्थित घ्यूखोलामा ना ६ ख ५०३५ को बस आफै अनियन्त्रित भएर पल्टिँदा बसका चालक दाङ घोराही उप –महानगरपालिका –१४, बस्ने ४० वर्षीय मोतीराम बुढाको मृत्यु भएको हो । बस सडक छेउमा खस्दा चालक अचानक खस्दा मृत्यु भएको हो । चालक सडक देखी दुई सय मीटर तल खस्दा मृत्यु भएको प्रहरी नायव उपरीक्षक गिरीले बताउनुभयो । बसमा सवार यात्रुभने सबै सकुसल रहेको उहाँले बताउनुभयो ।
यस्तै बौदिकाली गाउँपालिका –६, कोटरथमा लु १ ज ३३२९ नम्बरको जिप पल्टिँदा तीन जना घाइते भएका छन् । घाइते हुनेमा बौदिकाली गाउँपालिका –४, बस्ने ३१ वर्षीय मोहन सिंह थापा, २२ वर्षीय यम बहादुर गाहा, ३७ वर्षीय पिताम्बर गाहा, २५ वर्षीय कुल बहादुर गाहा घाइते भएका छन् । घाइतेको पुरानो मेडिकल कजेल भरचपुरमा उपचार भइरहेको प्रहरी नायव उपरीक्षक गिरीले बताउनुभयो ।