म सँग यो आकाश पनि सधैँ रोइरहेको छ..

गजल
म सँग यो आकाश पनि सधैँ रोइरहेको छ
खसालेर बलिन्द्र धारा दुख आफ्नो धोइरहेछ

विचित्र मेरो कहानीको साछी छ यो आकाश
लुकाएर पीडा भित्र भित्रै यो  मुटु  जलाइरहेछ

पाइला टेक्यो जहाँ त्यही भासिन्छ  यो आकाश
रसाएर पानी प्वालहरुबाट भित्र भित्रै गलिरहेछ

म देख्दै छु  उ लुक्दै छ म लुक्छु उ देख्छ
लुकामारी गर्दै यो आकाश छाया बनि चलिरहेछ

बुझ्न सक्दिन  स्पर्श गरेर बोल्दैन यो आकाश
खै किन किन यो बेमौसममा गर्जिरहेछ

-रामचन्द्र खड्का 

गाेकुलगंगा गाँउपालिका ,रामेछाप