कावासोतीमा बालमैत्री स्थानीय शासन सम्बन्धि १ दिने अभिमुखिकरण सप्पन्न

कावासाेती ।कावासोती नगरपालिकाको वार्ड नम्बर ७ मा १ दिने बालमैत्री स्थानीय शासनको बारेमा अभिमुखिकरण कार्यक्रम सम्पन्न गरिएको छ ।
कावासोती नगर भित्रका बालमैत्री उन्मुख वार्डहरुमा पहिलो चरणमा अभिमुखिकरणको आयोजना गरिएको कावासोती नगरपालिकाका महिला बालबालिका शाखा प्रमुख शुसिला तिमिल्सिनाले बताउनु भयो ।
अभिमुखिकरण कार्यक्रममा बाल मैत्री स्थानीय शासनको अवधारणा, बालबालिका किन लगानी गर्नु पर्छ, वार्ड स्तरीय बालमैत्री स्थानीय शासन समितिको पुनर्गठन र वार्ड भित्रका बालमैत्री स्थानीय शासन भित्रका ५१ सुचकको घरधुरी सर्बेक्षण बाट आयको तथ्यांकको प्रस्तुति गर्ने गरिको योजना रहेको उहाँले वताउनु भयो ।
आजको कार्यक्रममा उपस्थित सरोकारवालाहरुले बाल बचाउ, बाल संरक्षण, बाल बिकास र बाल सहभागिता र सस्थागत सुचकको उपलब्धि र चुनौतीको बारेमा छलफल गरेका थिय।
वार्डमा हाल पनि बालबिवाह भै राखेकोले मुख्य चुनौती यहि रहेको र अन्यमा जन्म दर्ता, खानेपानीको गुणस्तरिय उपलब्धता, बिधालय नियमित नहुने, बाल उधानको उपलब्धता नहुनु जस्ता समस्याहरु रहेको बताएका थिय ।
आज सम्पन्न वार्ड स्तरीय कार्यक्रमबाट कावासोति नगरपालिका वार्ड नम्बर ७ लाई २०८० चैत्र मसान्तसम्म बालमैत्री घोषणा गरि दिगोपन गर्ने उपस्थित सरोकारवालाबाट प्रतिबद्धता समेत जाहेर गर्नु भएको थियो ।
कार्यक्रमको समापन गर्दै वार्ड अध्यक्ष गोबिन्द महत्तोले बालबालिकालाई प्राथमिकता राखेर काम गर्ने र बालमैत्री वार्ड निर्माणको लागि सवैले सहयोग गर्ने तोकियको समयमा घोषणा गर्ने बताउनु भएको थियो ।
कार्यक्रममा वार्ड भित्रका जनप्रतिनिधि, बिधालय, स्वास्थ्य सस्था, सामुदायिक संघ सस्था, स्वास्थ्य स्वयम सेविका, टोल सुधार समितिका प्रतिनिधिहरु, बाल क्लबका प्रतिनिधिहरु र अन्य सामाजिक सस्थाका प्रतिनिधिहरुको उपस्थिति रहेको थियो ।
कार्यक्रमलाई बालमैत्री अभियन्ता दिपक शर्मा, महिला बालबालिका शाखा प्रमुख शुसिला तिमिल्सिना र सुभद्रा शर्माले सहजीकरण गर्नुभएको थियो ।