कावासोती । नवलपुरको कावासोतीमा दौड प्रतियोगिता सम्पन्न भएको छ । जिल्ला खेलकुद विकास समिति नवलपुरको आयोजना तथा प्रदेश खेलकुद परिषद् ,गण्डकी प्रदेशको प्रायोजनमा १० दौड प्रतियोगिता सम्पन्न भएको हो ।
१० किलोमिटर महिला तथा पुरुष खुल्ला दौड प्रतियोगता अन्र्तगत पुरुष तर्फ ३० मिनेट २१ सेकन्डमा १० किलोमिटर पार गर्दै रिसेन श्रेष्ठ प्रथम भएका छन् । यसै गरि ३० मिनेट ३४ सेकेन्डमा १० किलोमिटर पार गरेका अविनाश थापा द्धितिय र ३२ मिनेट ३६ सेकेन्डमा निर्धारित दुरी पार गर्दै सन्तोष योगी तृतिय भएका छन् ।
महिला तर्फ ४८ मिनेट ८ सेकेन्डमा १० किलोमिटर पार गर्दै दोलमाया महतो प्रथम, ५१ मिनेट ५५ सेकेन्डमा निर्धारित दुरी पार गर्दै भगवती रम्जाली द्धितिय र ५२ मिनेट ४९ सेकेन्डमा दुरी पार गरि अमृता थापा तृतिय भएका छन् ।
दौड प्रतियोगितामा विभिन्न स्थान हासिल गर्ने खेलाडिहरुलाई मेडल, प्रमाणपत्र र नगद सहित पुरस्कृत गरिएको थियो ।
जिल्ला खेलकुदा विकास समिति नवलपुरका अध्यक्ष सेतबहादुर पुनको अध्यक्षता तथा जिसस नवलपुर प्रमुख बाबुराम विश्वकर्माको प्रमुख आतित्थ्यतामा भएको कार्यक्रममा , प्रदेश खेलकुद परिषद्का आर्थिक प्रशासन प्रमुख निलकण्ठ ढकाल, अधिकृत टोपलाल भुषाल, शिक्षा विकास तथा समन्वय इकाई परासीका अधिकृत कृष्णचन्द्र पोखे्रल, वडा नम्बर ३ का वडा अध्यक्ष डोरमान गिरी, १२ का अध्यक्ष धु्रव खनाल, तीनका वडा सदस्य ऋषि बस्ताकोटी, सावित्री रसाइली लगायत विभिन्न व्यक्तिहरुको उपस्थिती रहेको थियो ।
दौड प्रतियोगिता कार्यक्रममा बोल्ने वक्ताहरुले खेलकुदले खेलाडीमा अनुशासनको विकास गराउने साथै व्यक्तिगत स्वास्थ्यमा सहयोग पुर्याउने र राष्ट्रलाई विश्वसामु चिनाउन सहयोग पुर्याउने भएकाले खेलक्षेत्रको विकासमा लाग्नुपर्ने बताएका थिए ।
