कावासोती । नवलपुरको कावासोतीमा रहको कावासोती खानेपानी तथा सरसफाइ उपभोक्ता संस्थाको पुस १६ गते हुने निर्वाचनमा खटिने कर्मचारीलाई अभिमुखीकरण प्रदान गरिएको छ । १६ गते हुने निर्वाचनलाई व्यवस्थित बनाउन अभिमुखीकरण प्रदान गरिएको निर्वाचन समितिका संयोजक गणेश सापकोटाले बताउनुभयो । 
मतदानका दिन मतदान स्थल व्यवस्थापन, मतदान प्रक्रिया, मतपेटिका गणना स्थलसम्म ल्याउने योजना सहितको विषयमा अभिमुखीकरण प्रदान गरिएको उहाँले बताउनुभयो ।
मतदानलाई व्यवस्थित सहित आवश्यक सुरक्षा प्रबन्धका विषयमा जिल्ला प्रहरी कार्यालय प्रमुख भुवनेश्वर तिवारीले जानकारी गराउनुभएको थियो ।
१६ गते कावासोती नगरपालिका भित्रका ६ वटा वडामा ६ वटा मतदान केन्द्र र १३ वटा बुथ रहने जनाइएको छ । मतदान प्रक्रिया सञ्चालनका लागि ५४ जना कर्मचारी खटिने छन् । १६ गते हुने खानेपानीको निर्वाचनमा ७ हजार ३ सय २८ मतदाता रहेकाछन् । मतदान नजिकिँदै जाँदा उम्मेदवारहरु भने यतिवेला घरदैलोमा व्यस्त रहेका छन् ।
