पिठौलीमा पोखरीमा डुबेको अवस्थामा शव फेला

कावासोती । नवलपरासी (बर्दघाट सुस्तापूर्व ) नवलपुरको कावासोतीमा एक पुरुषको शव फेला परेको छ । कावासोती नगरपालिका –१३, स्थित माछा पोखरीमा डुबेको अवस्थामा शव फेला परेको हो ।
शव कावासोती –१३, निवासी ७१ वर्षीय दीर्घ नारायण थनेतको रहेको जिल्ला प्रहरी कार्यालय नवलपरासी पूर्वका प्रहरी नायव उपरीक्षक सन्तोष पाठकले बताउनुभयो । शुक्रबार दिउँसो घरबाट निस्किनु भएका थनेतको शव आफ पोखरीमा डुबेको अवस्थामा फेला परेको हो ।
स्थानीयले पोखरी छेउमा चप्पल देखेपछी खोजी गर्दा पोखरीमा शव फेला परेको प्रहरी नायव उपरीक्षक सन्तोष पाठकले बताउनुभयो । शव पोष्टमार्टमका लागि मध्यविन्दु जिल्ला अस्पतालमा राखिएको उहाँले बताउनुभयो । घटनाको बारेमा थप अनुसन्धान भइरहेको पाठकले बताउनुभयो ।