डेढगाँउ। नवलपुरकाे पहाडी क्षेत्र अन्तर्गत पर्ने बाैदिकाली गाउँपालिकामा ओैधाेगिक ग्राम निर्माणका लागि छलफल सुरु गरिएको छ । गाउँ पालिकाकाे वडा नम्बर २,बैडामा ओैधाेगिक ग्राम निर्माणका लागि पालिकाले छलफल अघि बढाएकाे हाे ।
छलफलका क्रममा स्थानीयहरुले उद्योग ग्राम बनाउन सहयोग गर्ने प्रतिबद्दता ब्यक्त गरेका थिए । छलफलमा दराई समुदायको संस्कृति झल्कने सांस्कृतिक घर, पर्यटन प्रबर्द्धन, उद्यान तथा संग्रहालय बनाउन आवश्यक जग्गा तथा अन्य व्यवस्थापन गर्ने, रोजगारीमा उक्त समुदायलाई अग्राधिकार दिने, राजश्वको १५% अंश स्थानीय विकासमा लगानी गर्ने लगायतका विषयमा सहमती भएको छ ।
कार्यक्रममा गाउँपालिका अध्यक्ष प्रकाश ओझाले गाउँपालिका ओैधाेगिक ग्राम स्थापनाका लागि प्रतिबद्ध रहेकाे बताउनुभयो । सबैकाे सहकार्यमा पालिकाकाे विकास हुने बताउदै अध्यक्ष ओझाले स्थानीयबाट समेत सकारात्मक विषय आएकाले खुसी व्यक्त गर्नुभयो ।
पालिकाकाे केन्द्रकाे रुपमा रहेकाे २ नम्बर वडा , कालिगण्डकी करिडाेर समेतले छुने भएकाले भाेलीका दिनमा उधाेगहरुकाे आकर्षक यहाँ बढ्न सक्ने देखिन्छ । स्थानीय उत्पादनलाई बजारीकरणका लागि साना घरेलु उधाेग स्थापना गर्न सकेमा समेत पहाडी क्षेत्रमा उत्पादित कृषि उपजले यश क्षेत्रका स्थानीयकाे आर्थिक स्तर सुधारमा सहयोग पुग्ने छ।
