२०८० मंसिर १४, बिहिबार
कावासोती । नेकपा एमाले नवलपुरले सोमबार जिल्ला स्तरीय प्रशिक्षण कार्यक्रम गर्न लागेको छ । जबजका मान्यताका आधारमा पार्टी निर्माण र परिचालन, स्थानीय तह निर्वाचनको सन्देश र आगामी निर्वाचनको तयारी , पार्टी र जनप्रतिनिधि बिचको अन्तर्सम्बन्ध र समाजवादका आधार निर्माणका योजनाहरू साथै पार्टी सञ्चालन विधि, पद्धति, अनुसासन र आचार संहिताका विषयमा केन्द्रित रहेर प्रशिक्षण कार्यक्रम सञ्चालन हुने एमाले नवलपुरका उप सचिव भिमलाल कँडेलले बताउनुभयो । साउन १६ गते सोमबार बिहान ११ बजेबाट कावासोतीमा रहेको स्वस्तिक पार्टी प्यालेसमा प्रशिक्षण कार्यक्रम सुरु हुने उहाँले बताउनुभयो ।
प्रशिक्षण कार्यक्रममा जिल्ला कमिटी सदस्य र जिल्ला सल्लाहकार परिषद सदस्यहरू, ज्येष्ठ कम्युनिष्ट मञ्चका सदस्यहरू, जिल्ला लेखा कमिटीका सदस्यहरू, सबै जिल्ला विभागका सदस्यहरू, जन सङ्गठनका जिल्ला सदस्यहरू, सबै पालिका कमिटीका सदस्य र पालिका सल्लाहकार परिषदका सदस्यहरू, सबै वडा कमिटीका अध्यक्षहरू, जिल्ला समन्वय समिति र स्थानीय पालिकाका सबै जनप्रतिनिधिहरू ,उपविजेता वडाध्यक्ष सहितको सहभागिता रहने उप सचिव कँडेलले बताउनुभयो ।
कार्यक्रममा एमाले केन्द्रिय उपाध्यक्ष अष्टलक्ष्मी शाक्य सहितका नेताहरूले प्रशिक्षण प्रदान गर्ने उहाँले बताउनुभयो ।
एमाले नवलपुरले जिल्ला स्तरीय प्रशिक्षण कार्यक्रम लगतै पालिका देखि वडा सम्म प्रशिक्षण भेलाहरू राख्ने तयारी गरेको छ । पार्टीलाई मजबुत र सङ्गठित गराउँदै अब हुने प्रदेश र संघको निर्वाचनको तयारीमाख एमाले नवलपुर अघि बढेको छ ।
कावासोती मिडिया हाउसद्वारा संचालित
नवलपुर प्रेस डट कम
कावासोती, नवलपुर
ईमेल: pressnawalpur@gmail.com
सम्पर्क फोन- ९८४५३२८६८८
कम्पनी दर्ता नं. २३१४५२/०७६-०७७
सूचना विभाग दर्ता नम्बर: ३२३५/०७८-०७९
संचालक तथा प्रबन्ध निर्देशक: | दयाराम आचार्य |
सम्पादक: | राजु घिमिरे | समाचार प्रमुख: | ज्ञानु पंगेनी |
ब्यबस्थापक: | ...... |
सहायक सम्पादक: | ....... |
ग्राफिक डिजाईनर: | ..... |
कानूनी सल्लाहकार: | ....... |
बजार ब्यबस्थापक: | ...... |
प्रेस प्रतिनिधि: | तारा पौडेल |