गैंडाकोट । रुद्रहरि भण्डारी । स्थानिय निर्वाचन नजिकिएसँगै नवलपुरका विभिन्न स्थानिय निकायहरुमा मेयरको दावि गर्दै विभिन्न दलका नेताहरुले उमेद्वारि घोषणा गर्ने क्रम सुरु भएको छ । यसैक्रममा गैंडाकोट नगरपालिकाको नगर प्रमुख को रुपमा मुख्य दुई दलका नेताहरुले उमेद्वारी घोषणा गरेका छन् । केही समय अगाडि वर्तमान नगर प्रमुख छत्रराज पौडेलले फेरि पनि नेकपा एमालेको तर्फबाट मेयरको रुपमा उमेद्वार बन्ने घोषणा गरेसँगै नेकपा एमाले कै जिल्ला कमिटिका सदस्य युव नेता गोपाल गौतमले शनिबार एक विज्ञप्ति निकाल्दै समृद्ध गैंडाकोट निर्माणका निम्ति मेयरमा आफ्नो उमेद्वारि घोषणा गर्नु भएको छ ।उहाँले समृद्ध गैंडाकोटको सपना साकार नभएको भन्दै शुसासन, विकास र समुन्नतिको लागि आफ्नो उमेद्वारि रहने गौतमको जिकिर रहेको छ । यस्तै नेकपा एमालेबाट अन्य आकंक्षिहरु भए पनि अहिलेसम्म नगर प्रमुख पौडेल र गौतमले मात्रै उमेद्वारि घोषणा गर्नुभएको हो ।
उत सत्ताधारि दल नेपाली काँग्रेसको तर्फबाट पनि अहिलेसम्म तीन जनाले मेयरको रुपमा उमेद्वारि घोषणा गर्नुभएको छ । कांग्रेस नेता मदनभक्त अधिकारिले नगर प्रमुखको रुपमा उमेदवारि घोषणा गरेको केहि दिन पछि आईतबार मात्रै अर्का युवा नेता कमल प्रसाद पराजुलीले पनि मेयरमा दाबि गर्दै आफ्नो उमेदवारि घोषणा गर्नु भएको छ । यस्तै वर्तमान उप मेयर विष्णुकुमारी कंडेलले समेत आफ्नो उम्मेदवारी मेयरमा रहने बताउनु भएको छ ।
मेयरमा दावि गर्दै उमेदवारि घोषणा गरे पनि उपमेयरमा भने कुनै दलबाट पनि उमेद्वारी घोषणा गरेका छैनन् । तर नेपाली काँग्रेसबाट संगिता घिमिरे काफ्ले उपमेयरको रुपमा उमेद्वार हुने चर्चा भने चलेको छ ।
तर आधिकारिक रुपमा उमेद्वारिको घोषणा भने भएको छैन । उता नेकपा एमालेको तर्फबाट भने अहिलेसम्म कसैको पनि चर्चा चलेको छैन ।
यसैबीच नेकपा एमाले र नेपाली काँग्रेसमा उमेद्वारको चयन गर्न निकै कसरत गर्नु पर्ने सहजै अनुमान लगाउन सकिन्छ । आंकक्षीहरुको संख्या बढ्दै जाने निश्चित भएकोले टुङ्गोमा पुर्याउन निकै रस्साकस्सि गर्नु पर्ने सम्बद्व दलका नेताहरुले अनौपचारीक रुपमा बताएका छन् ।
