अनेमसंघ कावासोती ३ मा कान्ति गिरी

कावासोती । अखिल नेपाल महिला संघ कावासोती ३ न. वडाको अध्यक्षमा कान्ति गिरी चयन हुनुभएको छ ।
बिहिबार कावासोती स्थीत पार्टी कार्यालयमा भएको अनेमसंघ वडा न. ३ को तेश्रो अधिवेशनले ३७ सदस्यिय नयाँ कमिटि गठन गरेको हो । जसको उपाध्यक्षमा मीना पाण्डे , सचिव देवी कुमारी सापकोटा र कोषध्यक्षमा निर्मला न्यौपाने चयन हुनुभएको छ । सदस्यहरुमा पवित्रा पौडेल , माधवी वास्तोला , भुभिाजा लम्साल , लक्ष्मी बाह्रघरे , भगवती सुवेदी , देवकी कुमारी महतो लगायत चयन हुनुभएको वडा न. ३ का अध्यक्ष कमिटि अध्यक्ष डोरमान गिरीले जानकारी दिनुभयो ।
कार्यक्रममा बोल्दै प्रमुख अतिथि तथा अनेमसंघ जिल्ला कमिटि अध्यक्ष लिला थनेत पोख्रेलले आउने स्थानीय तहको निर्वाचनमा वडाबमाट नै एमालेका जनप्रतिनीधिलाई बहुमतका साथ बिजयी गराउन अब सानो कमिटि टोलदेखि वडासम्म डटेर लाग्नुपर्नेमा जोड दिनुभयो । उहाँले स्थानीय तहको निर्वाचनमा बहुमत ल्याउन सकेमा जिल्ला समन्वय एमालेको बन्ने जसले गर्दा भविश्यमा समेत सहयोग पुग्ने बताउनुभयो । उहाँले राष्ट्रिय सभाको निर्वाचनमा स्थानीय तहका जनप्रतिनीधि समेतले भोट हाल्ने भएकाले वडाबाट नै बहुमत ल्याउने तयारीमा लाग्न उहाँले आग्रह गर्नुभयो । जनभावना अनुसार काम गर्न , सामाजिक काममा सक्रिय हुन , पीडितलाई न्याय दिन पछि नहट्न उहाँले सबैमा आग्रह गर्नुभयो । अब स्थानीय तह निर्वाचन लक्षित कार्यक्रम गर्न समेत उहाँले आग्रह गर्नुभयो ।
कार्यक्रममा वडा न. ३ का अध्यक्ष डोरमान गिरीले एमालेभित्र रहेका जनवर्गिय संगठनको भूमिका र पार्टी बलियो बनाउन जनवर्गिय संगठनको जिम्मेबारी के कस्ता हुन भन्ने बारेमा जानकारी दिदै आफ्ना मन्तव्य राख्नुभएको थियो ।
यमकला भुर्तेलको अध्यक्षतामा भएको कार्यक्तममा , जिल्ला कमिटि सदस्यहरु डा. विष्णु लम्साल , मोहदत्त अधिकारी , जिल्ला कमिटि सल्लाहाकार सदस्य राम बहादुर भुजेल , मिना कुमारी पुन लगायतको सहभागिता रहेको थियो । माधवी वास्तोलाले स्वागत गर्नुभएको कार्यक्रममा देवी कुमारी सापकोटाले सहजीकरण गर्नुभएको थियो ।