वन्यजन्तुका लागि घाँसे मैदान व्यवस्थापन गर्दै गुन्द्रहि ढकाहा मध्यवर्ती वन

अमलटारी । वन्यजन्तुका लागि घाँसे मैदान व्यवस्थापनको काम शुरु गरिएको छ । नवलपुरको कावासोती नगरपालिका अन्र्तगत रहेको गुन्द्रहि ढकाहा मध्यवर्ती सामुदायिक वनले वन्यजन्तुका लागि घाँसे मैदान व्यवस्थापनको काम शुरु गरेको हो ।
चितवन राष्ट्रिय निकुञ्जको मध्यवर्ती क्षेत्र अन्र्तगत पर्ने यस वनले आधुनिक मेसिनको प्रयोग गरि घाँसे मैदान व्यवस्थापन कार्य शुरु गरेको छ । घाँसे मैदान क्षेत्रमा रहेका बुट्यान, पुराना खरघारीलाई ट्याक्टरको सहायताले घाँस काट्ने उपकरण मार्फत घाँसे मैदान व्यवस्थापन गर्न लागिएको गुन्द्रही ढकाहा मध्यवर्ती सामुदायिक वनका अध्यक्ष नरबहादुर महतोले बताउनुभयो ।

घाँसे मैदान व्यवस्थापनका लागि कावासोती नगरपालिकाले उपकरण अनुदानमा सहयोग गरेको उहाँले बताउनुभयो ।
वन्यजन्तुको आहाराका रुपमा घाँसे मैदान वन भित्रै व्यवस्थापन गरे वन्यजन्तु वस्ती तर्फ नआउने र यसले बालीनालीको क्षति न्यूनिकरणमा समेत सहयोग पुग्ने विश्वास लिइएको अध्यक्ष महतोले बताउनुभयो ।  गैँडा, मृग, चित्तल लगायतका वन्यजन्तुलाई चरन क्षेत्र निर्माणका लागि घाँसे मैदान व्यवस्थापन गर्न शुरु गरिएको उहाँले बताउनुभयो ।