कावासोती ।पूर्व पश्चिम राजमार्ग अन्र्तगत नवलपरासी (बर्दघाट सुस्तापूर्व)नवलपुरको कावासोतीमा बुधबार बिहानदेखि अवरुद्ध राजमार्ग अर्झ सञ्चालमा आउन सकेको छैन् ।
वर्षाका कारण डाइभर्सनमा क्षति पुग्दा बुधबार बिहानदेखि अवरुद्ध भएको पूर्वपश्चिम राजमार्ग अझै सञ्चालनमा आउन नसकेको हो ।
नारायणगढ– बुटवल सडक बिस्तारका क्रममा कावासोतीको खरकट्टा जङ्गलमा बनाइएको नयाँ डाइभर्सन वर्षाका कारण भत्किएपछि राजमार्ग अवरुद्ध भएको हो । अवरुद्ध भएको राजमार्ग ३० घण्टा बिति सक्दा समेत मर्मत हुन सकेको छैन् । हिलोका कारण सवारी फसेपछि झनै समस्या भएको छ । अवरुद्ध सडक खुलाउन डाइभर्सन मर्मतको काम भइरहे पनि वर्षाले माटो भिजेर हिलो हुँदा निकै समस्या भइरहेको जिल्ला प्रहरी नवलपरासीका प्रहरी निरीक्षक सागर पन्तले बताउनुभयो ।
नवलपुर क्षेत्रमा आज बिहानबाट वर्षा रोकिएकाले अब मर्मत गरेर छिट्टै सञ्चालनमा ल्याइने उहाँको भनाई छ । फेरी वर्षा भएमा सञ्चालनमा आउन अझै समय लाग्ने उहाँले बताउनुभयो ।
पूर्व पश्चिम राजमार्ग अन्तरगत नारायणगढ – बुटवल सडक खण्डमा सडक बिस्तारको काम चलिरहेकाले वर्षा हुँदा यहाँ सडक अवरुद्ध हुँदै आएको छ । धेरै ठाउँमा डाइभर्सन निर्माण हुँदा वर्षा हुनासाथ डाइभर्सन भत्किने , बिग्रने गर्दा यात्रुले सास्ती भोग्दै आएका छन् ।
कावासोतीमा सडक अवरुद्ध भएपछि साना सवारी तथा बसहरू कावासोतीदेखि दक्षिणतर्फ पिठौली हुँदै र उत्तरतर्फ रिठ्ठेपानी हुँदै आवतजावत गरिरहेका छन् । ठूला तथा मालवाहक सवारी सडकमा रोकिएका छन् । अहिले पनि कावासोती र प्रगतिनगर क्षेत्रमा सवारीको लामो लाइन लागेको छ ।
राजमार्ग बिस्तारको क्रमम बनाइएका डाइभर्सनका कारणले वर्षाको समयमा कयौं दिन सम्म नवलपुर स्थित पूर्व पश्चिम राजमार्ग अवरुद्ध भएको थियो । पुल तथा निर्माड भइरहेका कल्र्भट छिटो निर्माण नगर्दा समस्या कायम रहेको छ । बिभिन्न स्थानमा बनाइएका डाइभर्सनमा सामान्य पानि पर्ने वित्तिकै क्षति हुने , हिलो हुने र सवारी वारपार हुन नसक्दा मुख्य राजमार्गनै घण्टौं अवरुद्ध हुने गरेको छ ।
कम जनशक्ति परिचालन कल्भर्ट तथा पुलहरु निर्माण गर्दा निर्माण कार्य लम्बिदै जाने गरेको छ । यसले कुनै पनि समय पानि परे राजमार्ग अवरुद्ध हुने गरेको छ । साथै पुलहरु समयमा निर्माण नगर्दा डाइभर्सनका कारण यातायात सञ्चालनमा समेत कठिनाइ हुँदै आएको छ ।
