नवलपुर । प्याब्सन नवलपुरको अध्यक्षमा दीपक रावत निर्वाचित हुनुभएको छ । शनिबार अबेर सम्पन्न निर्वाचनमा रावत ४७ मत ल्याएर निर्वाचित हुनु भएको हो । उहाँका निकटतम प्रतिद्वन्दी हरिहर अधिकारीले ३० मत प्राप्त गर्नु भएको थियो । प्याब्सन नवलपुरको १५ औं अधिवेशनमा ७७ मत खसेको थियो । यसै गरि बरिष्ठ उपाध्यक्षमा भिमलाल कँडेल ४४ मतका साथ निर्वाचित हुनु भएको छ । उहाँका निकटतम प्रतिस्पर्धी चन्द्रकान्त बस्यालले ३३ मत प्राप्त गर्नु भएको छ ।
उपाध्यक्ष पदमा प्रदिप बास्तोला ३९ मत ल्याउँदै निर्वाचित हुनुभयो उहाँका प्रतिस्पर्धी बिरेन्द्र चौधरीले ३७ मत प्राप्त गर्नुभएको थियो । अन्य पदमा भने सर्वसम्मत भएको थियो । सचिव, कोषाध्यक्ष, सह सचिव र सहकोषाध्यक्ष पदमा भने क्रमश कान्तामणी चौधरी, चुरा बहादुर गुरुङ, अनिल थापा र मोहन सिंह थापा बाकबल सर्वसम्मत चयन हुनुभएको थियो ।
सदस्यमा पदम बराल, कमल चापागाईं, जगन्नाथ अर्याल, चिरिञ्जिबी गौडेल, नारायण थापा र युबराज गौतम सर्वसम्मत सदस्यमा चयन हुनुभएको हो ।
१५ औं अधिवेशनबाट निर्वाचित कार्यसमितिको कार्य अवधि तीन वर्षको रहने छ ।
