सहकारीले सामाजिक , आर्थिक रुपान्तरणमा भुमिका खेल्नुपर्छ

कावासोती ।   सहकारीले सामाजिक , आर्थिक रुपान्तरणमा महत्वपूर्ण भुमिका खेल्नुपर्नेमा एक कार्यक्रममा बोल्ने वक्ताहरुले जोड दिनुभएको छ ।
नवलपुरको कावासोतीमा रहेको नव त्रिवेणी वहुमुखी सहकारी संस्थाको १६ औँ वार्षिक साधारण सभा तथा सातौँ नेतृत्व चयनको उद्घाटनशत्रमा बोल्ने वक्ताहरुले उक्त कुरामा जोड दिनुभएको हो । सहकारीमा आबद्ध भएका सेयर सदस्यहरुको जिवन स्तरमा सुधार गर्न सहकारीले टेवा पु¥याउने हुँदा सहकारीले गर्ने लगानीले आर्थिक रुपान्तरणमा सहयोग पु¥याउनुपर्नेमा वक्ताहरुको जोड थियो ।
सहकारीबाट विषेश गरि महिलाहरुले आर्थिक कृयाकलाप बढि गर्ने हुँदा घरयासी प्रयोजनमा मात्रै सहकारीको लगानी सिमित हुन नदिई महिलाहरुको आर्थिक उपार्जनको माध्यम सहकारी बन्नुपर्ने वक्ताहरुले बताउनुभएको थियो । सहकारी भनेको दुःखको सारथी भएको भन्दै सेयर सदस्यहरुलाई पनि अन्य बैङ्क बित्तीय संस्था भन्दा सहकारीबाट नै आर्थिक कारोबार गर्नतर्फ आकर्षित गर्न सहकारी संस्थाहरुले भुमिका निर्वाह गर्नुपर्ने र सेयर सदस्यहरु पनि सहकारीबाट नै आर्थिक कारेबार गर्ने परिपाटीको विकास गर्न आवश्यक रहेको बताउनुभएको थियो । कोभिडका कारण सहकारी संस्थाहरु ीनकै मारमा परेकोमा गुनासो समेत व्यक्त गर्नुभएको थियो ।
शुभकामना वक्त गर्नुभएका सबै वक्ताहरुले नया नृतृत्व चयन गर्ने कार्यक्रम समेत रहेको हुँदा सहकारी बुझेको , सक्षम र सवल नृेतृत्व चयन गर्न सुझाव दिनुभयो । विशेष गरेर महिलालाई समेत सहकारीमा निर्णयक भूमिका दिने कुरामा वन त्रिवेणी पछि नपर्न समेत आग्रह गनुभयो ।
कार्यक्रममा अध्यक्षको वार्षिक प्रगती प्रतिवेदन सार्वजनिक गर्दै संस्थाका अध्यक्ष घनश्याम चापागाईंले लेखा प्रमाणीलाई आधुनिक प्रविधीसंग जोडेर कारोबारलाई अझ चुस्त , दुरुस्त र पारदर्शी बनाएको , सदस्यहरुको दुर्घटना भई मृत्यु हुन गएमा एक लाखसम्म र अन्य कारणबाट मृत्यु हुने सदस्यहरुको परिवारलmाई ३० हजारसम्म राहत प्रदान , सुत्केरी भेटघाट , द्धन्द्ध प्रभावित सेयर सदस्यहरुलाई शुन्य प्रतिशत ब्याजदरमा ऋण लगानी , नेपाल सरकार युवा तथा साना ब्यासायी स्वरोजगार कोष र राष्ट्रिय सहकारी बैङ्कसंग निरन्तर सहकार्य लगायतका काम गनरेको जानकारी गराउनुभयो । यस्तै आर्थिक वर्ष २०७८ ÷ ०७९ का लागि प्रस्तावित नीति तथा कार्यक्रमहरुमा कम्तिमा ५ सय सेयर सदस्यहरुलाई सहकारी शिक्षा एवम् शिपमुलक तालिम प्रदान गर्ने , नेपाल सरकार युवा तथा साना ब्यासायी स्वरोजगार कोषबाट अधिकतम ऋण माग गरि संस्थाको कार्यक्षेत्र भित्रका बेरोजागार युवाहरुलाई स्वरोगार बनाउन विषेश पहल गर्ने , तालिम गोष्ठिको आयोजना गरि सञ्चालक तथा कर्मचारीको क्षमता अभिबृद्धि गर्ने , संस्थाको भवन निर्माण कोष स्थापना गरी भवन निर्माणका लागि आवश्यक प्रकृया अगि बढाउने लगायतका नीति तथा कार्यक्रमका बारेमा जानकारी गराउनुभयो ।
यस्तै कार्यक्रममा सचिवको प्रतिव्दन गोपीलाल पौडेल , लेखा समितीको वार्षिक प्रतिवेदन लेखा समिति संयोजक माधव प्रसाद गैह्रे , कोषाध्यक्षको प्रतिवेदन विन्दामाया गैह्रेले गर्नुभएको थियो ।
कार्यक्रममा २०७६÷ ०७७ मा एसईई र पलस टु मा उत्कृष्ट रिजल्ट ल्याउने तथा डाक्टर , ईन्जीनियर भएका सेयर सदस्यका छोराछोरीलाई सम्मान गरिएको थियो । यस्तै उत्कृष्ट बाल बचत , खुत्रुके बचतकर्ता , सर्वोत्कृष्ट बचतकर्ता , असल ऋणी , जेष्ठ सदस्य , सर्वोत्कृष्ट कारोवार गर्ने विद्यालय लगायतलाई समेत सम्मान गरिएको थियो ।
कार्यक्रम जिल्ला सहकारी संघका अध्यक्ष केशव प्रसाद सापकोटाको प्रमुख आतिथ्यतामा भएको थियो । कार्यक्रममा सहयात्रा नेपालका अधयक्ष पदमा जिशी श्रेष्ठ , युवा तथा साना ब्यासायी स्वरोजगार कोषका पृतम भुजेल , अर्जुन प्रसाद पौडेल , कृष्ण कुमार सिग्देल , रुक्मागत श्रेष्ठ लगायतले शुभकामना मन्तव्य राख्नुभएको थियो ।
कार्यक्रममा संस्थाका उपाध्यक्ष अर्जुन पंगेनीले स्वागत मन्तव्य राख्नुभएको थियो भने सचिव गोलीलाल पौडेलले सहजीकरण गर्नुभएको थियो । अहिले बन्द शत्र चलिरहेको छ ।