कावासोती । पशु कल्याणमा अभिवृद्धि , दिगो विकास र समृद्धि भन्ने नाराका साथ आज विश्व पशुपन्छी दिवस मनाइदै छ ।
विश्व पशुपन्छी दिवसको अवसरमा कावासोतीमा समेत एक दिने प्राविधिक सेवा कार्यक्रम सम्पन्न भएको छ । दिवसको अवसरमा आज कावासोती ३ मा रहेको विश्वमाता गौशाला मा रहेका ८१ वटा स्थानीय नश्लका गाईहरूको उपचारमा प्रयोग हुने आन्तरीक र बाह्य परजीवी विरुद्धको औषधी ,भिटामिन र अन्य आवश्यक औषधी बितरण गरिएको हो ।
भेटेरिनरी अस्पताल तथा पशु सेवा विज्ञ केन्द्र नवलपरासी –बर्दघाट सुस्तापूर्व को आयोजना , नेपाल भेटेरिनरी एसोसिएसन र कावासोती नगरपालिका पशु सेवा शाखाको प्राविधिक सहकार्यमा कार्यक्रम गरिएको हो ।
प्राविधिक सेवा कार्यक्रममा भेटेरिनरी अस्पताल तथा पशु सेवा विज्ञ केन्द्रका प्रमुख डा.रिसभ गुरागाई , पशु सेवा शाखा कावासोतीका प्रमुख डा. टेक राज पौडेल लगायत विज्ञ केन्द्र र शाखाका कर्मचारीहरूको उपस्थिति रहेको थियो ।
