छ क्विन्टल युरिया मल बरामद

कावासोती । नवलपुरको दुम्किवासबाट प्रहरी अवैद्य रुपमा ल्याउँदै गरेको युरिया मल बरामद गरेको छ ।

पूर्व पश्चिम राजमार्ग अन्तरगत विनयी त्रिवेणी गाउँपालिका एक दुम्किवास बजारमा इलाका प्रहरी कार्यालय दुम्किवासका प्रहरी नायब निरीक्षक भवानी प्रसाद धमलाको कमान्डमा खटिएको प्रहरी टोलीले पश्चिमबाट पूर्वतर्फ आउँदै गरेको लु १ ख ९३९४ नं बसमा शंका लागेर चेकजाँच गर्दा मल बरामद गरेको हो ।

अवैधरुपमा ल्याइएको बेवारिसे अवस्थामा रहेको छ क्विन्टल (१२ बोरा ,प्रति बोरा ५० किलो) युरिया मल बरामद गरिएको प्रहरीले जनाएको छ । बरामद मल इलाका प्रहरी कार्यालय दुम्किवासमा राखिएको छ ।