सि डिभिजन छनौट खेल खेल्ने कावासोतीको टोलीलाई बिदाई 

नवलपुर । नवलपुर जिल्लाको प्रतिनिधित्व गर्दै शहीद स्मारक सि डिभिजन छनौट खेल खेल्न कावासोतीका खेलाडी टोली काठमाडौं प्रस्थान गरेको छ । प्रतियोगितामा सहभागि हुन कावासोतीको २८ बिगाहा युवाक्लबका खेलाडी टोली काठमाडौं प्रस्थान गरेका हुन् । खेलाडी टोलीलाई नवलपुर जिल्ला फुटबल संघले कावासोतीमा एक कार्यक्रम गरि बिदाई गरेको छ । जिल्ला खेलकुद विकास समिति नवलपुरको संयोजनमा एक कार्यक्रमको आयोजना गरि खेलाडी टोलीलाई सफलताको कामना सहित बिदाई गरिएको अध्यक्ष सेतमान पुनले बताउनुभयो । खेलाडीहरूलाई बिभिन्न आवश्यक सामाग्री प्रदान गरि बिदाई गरिएको थियो ।

२८ बिगाहा युवाक्लबले २८ गते सि  डिभिजन छनौटको पहिलो खेल खेल्नेछ । पहिलो चरण लिग हुनेछ भने दोश्रो चरणबाट नकआउट चरणका खेल हुनेछन् ।
सि डिभिजन छनौट खेलका लागि देश भरिबाट ७८ वटा टिमले प्रतिस्पर्धा गर्दैछन् । जसमध्येबाट तीनवटा मात्रै टिम सि डिभिजनमा छनौट हुनेछन् । छनौट भएका टिमले सि डिभिजन लिग खेल्न पाउनेछन् । रेलिगेसनमा नपरे छनौट भएका टिमले लगातार सि डिभिजन लिग खेल्न पाउनेछन् । सोही टिमबाट खेलको आधारमा बि हुँदै ए डिभिजनमा बढुवा समेत हुँदै जानेछ ।

आजनै कावासोती नगरपालिका वडा नम्बर ३ का वडा अध्यक्ष अमृत श्रेष्ठले खेलाडीहरूलाई सफलताको कामना सहित आवश्यक सामाग्री प्रदान गरि बिदाई गर्नुभएको थियो ।