अविरल वर्षाले घरमा क्षति

डेढगाउँ । नवलपुरको बौदीकाली गाउँपालिका ५ मा  अविरल वर्षाका  दुई घरमा क्षति पुगेको छ । बौदीकाली गाउँपालिका ५ बबक स्थित बोझाडी निवासी जंग बहादुर राना र हर्बले निवासी वीर बहादुर परियारको घरमा क्षति पुगेको वडा अध्यक्ष खिम बहादुर थापालाई उद्धृत गर्दै स्थानीय आशिष रानाले बताउनुभयो । घर अविरल वर्षाका कारण बस्न योग्य नभएकाले उनिहरुलाई अन्य छिमेकमा सुरक्षित स्थानमा स्थानान्तरण गरिएको जनाईएको छ । गत हप्ता आएको अविरल वर्षाले घरमा क्षति पुगेको हो ।
यसै गरि गाउँपालिकाको रुचाङ्ग र डेढगाउँमा समेत पाँच घरमा क्षति पुग्दा विस्थापित भएका छन् । रुचाङ्गका तीन र डेढगाउँका दुई घरमा क्षति पुगेको हो । उनिहरुलाई समेत सुरक्षित स्थानमा छिमेकीको घरमा राखिएको बौदीकाली गाउँपालिकाका  प्रमुख प्रशासकीय अधिकृत प्रदिप चन्द्र सुवेदीले बताउनुभयो ।

तस्विर सौजन्य आशिष राना मगर