कावासोती खानेपानीको पाइप बगायो, ५ र ६ मा पानी बितरणमा समस्या हुने

कावासोती । अविरल वर्षाका कारण कावासोती खानेपानी तथा सरसफाइ उपभोक्ता संस्थाको हात्तिखोर नजिक खानेपानीको पाइप बाढीले बगाएको छ । कावासोती नगरपालिका वडा नम्बर १ स्थित केरुङ्गे खोलामा रहेको खानेपानीको मुहान देखी दुई किलिमिटर तल को स्थानमा करिब डेढ किलोमिटर पाइप बगाएको कावासोती खानेपानी तथा सरसफाइ संस्थाका अध्यक्ष भिमलाल कंडेलले बताउनुभयो । केरुङ््गे खोलामा आएको बाढिले पाइपमा क्षति पुर्याएको अध्यक्ष कंडेलले बताउनुभयो ।
खानेपानीको पाइप बगाएपछी कावासोती वडा नम्बर ५ र ६ मा पानी बितरणमा समस्या हुने उहाँले बताउनुभयो । आजको दिनकालागि मौज्दात रहेको पानीले धान्ने भएपनी त्यसपछी पाइप मर्मत नगरी पानी बितरण गर्न समस्या हुने उहाँले बताउनुभयो ।
पाइप मर्मतका लागि अहिले बाढीका कारण असम्भव रहेकाले पानी कम हुने वित्तिकै अहिले अस्थाइ रुपमा पाइपको जडान गरि खानेपानी सुचारु गरिने छ । स्थायी रुपमा मर्मतका लागि भने केही समय लाग्ने अध्यक्ष कंडेलले बताउनुभयो ।