कावासोती । कोभिड १९ का कारण जारी लकडाउने समस्यामा परेका घर परिवारलाई खाद्यान्न सामाग्री बितरण गरिएको छ । कावासोती नगरपालिका वडा नम्बर १६ डण्डामा यहाँका ४३ घर परिवारलाई खाद्यान्न सामाग्री बितरण गरिएको हो । ४३ घर परिवारलाई चामल, दाल ,नुन ,तेल लगाएतका खाद्यान्न सामाग्री प्रदान गरिएको हो ।
विपद व्यवस्थापन सहयोगि समिति( सहयोगी मन नेपाल,नवलपरासी) , कावासोती नगरपालिका वडा नम्बर १६ को कार्यालय, अग्यौली सामुदायिक श्रोत पुस्तकालयको सहयोगमा खाद्यान्न सामाग्री बितरण गरिएको हो ।
यसै गरि सोही क्रममा कोभिड संक्रमित १० घर परिवारलाई स्वास्थ्य सामाग्री समेत बितरण गरिएको छ । प्रोटेबल अक्सिजन, अक्सोमिटर, भिटामिनहरु लगाएतका स्वास्थ्य सामाग्री बितरण गरिएको हो ।
सामाग्री बितरण कार्यक्रममा वडा नम्बर १६ का वडा अध्यक्ष एकादत्त वस्ती, विपद व्यवस्थापन सहयोगी समिति( सहयोगी मन नेपाल)का अध्यक्ष शिव गिरी, सचिव आनन्द श्रेष्ठ, भोजराज दाहाल, भिमलाल अधिकारी, चन्द्र रानाभाट, बाबुराम कंडेल, अग्यौली खानेपानीका अध्यक्ष शोभित शर्मा, अग्यौली सामुदायिक श्रोत पुस्तकालयका पदाधिकारी लगाएतको उपस्थिती रहेको थियो ।
