कोरोना कहर : सहयोगमा जुट्दै विपद व्यवस्थापन सहियोगि समिति

कावासोती । जिल्लामा कोभिड १९ संक्रमितको उपचारकालागि अक्सिजनको अभाव नहोस भनेर विपद व्यवस्थापन सहयोगि समिति निरन्तर लागि रहेको छ । अक्सिजनको खाली सिलिन्डर अभाव भएपछी समितिका व्यक्तीहरु निरन्तर रुपमा चर्को घाम र कोरोनाको जोखिम नभनी खटिदै आएका छन् ।
समितिका अध्यक्ष शिव गिरी ,सचिव आनन्द श्रेष्ठ, कोषाध्यक्ष नारायण प्रसाद न्यौपाने, अमृतमाया भुषाल, चन्द्र रानाभाट ,मदन गिरी,भोजराज दाहाल,प्रविन तिवारी सहितको टोलीले आइतबार पनि कावासोतीका बिभिन्न स्थानबाट खाली सिलिन्डर संकलन गरेको छ । खाली सिलिन्डर रेडक्रस कावासोतीमा जम्मा गरिएको अध्यक्ष शिव गिरीले बताउनुभयो । केही भरि रहेको र खाली रहेका सिलिन्डर सबै भर्नकालागि पठाउने तयारी गरिएको उहाँले बताउनुभयो । सबै सिलिन्डर भनेर जिल्ला अस्पताललाई उपलब्ध गराईने अध्यक्ष गिरीले बताउनुभयो ।

अक्सिजन र रगतको जिल्लामा अभाव नहोस भनेर आफुहरु निरन्तर लागि परेको समितिका सदस्य बाबुराम कंडेलले बताउनुभयो । समितिले नवलपुरमा अक्सिजनको अभाव हनु नदिने गरि प्रशासनसंग समन्वय गरि काम गरिरहेको उहाँले बताउनुभयो ।

यसै बिच आइतबार सुर्य दवाडी देवचुलीबाट ४० हजार, नवलपुर मदिरा तथा प्रोभिजनल सप्लायर्सबाट १० हजार एकसय, क्रियसन चर्चबाट १५ हजार २० , विन्दु लम्सालबाट ५ हजार ५ , नवलपुर एकेडमी डण्डबाट ११ हजार ११५ सहयोग प्राप्त भएको समितिका कोषाध्यक्ष नारायण प्रसाद न्यौपानेले बताउनुभयो ।