यातायात कार्यालय कावासाेतीबाट लिने लिखित र ट्रायल स्थगित

प्रिय धन । कावासाेती ।पूर्वी नवलपरासीको कावासोतीमा रहेको यातायात कार्यालयका आंशिक कार्य आज देखि बन्द  भएको छ । जिल्लामा कोभिड १९ को संक्रमण फैलदै गएको र भिडभाडका कारण थप जोखिम बढ्न सक्ने भन्दै  आंशिक सेवा बन्द गरिएको  यातायात व्यवस्था कार्यालय नवलपरासी बर्दघाट सुस्ता पूर्वका प्रमुख ज्ञान  प्रसाद भुसालले जानकारी दिनुभयो । उहाँका अनुसार लाइसेन्स को फारम भर्ने , बायोमेट्री अर्थात फोटो खिच्ने काम , लिखित परीक्षा र ट्रायलको काम हाललाई बन्द गरिएको छ । तर सवारी तर्फका सेवा भने बन्द नहुने भुसालले जानकारी दिनुभयो । ब्लु बुक नविकरण , सवारीको कर बुझ्ने काम , जांच पास , रुट पर्मिट लगायतका काम भने नियमित हुने भुसालले बताउनुभयो । अर्को सुचना जारि नभएसम्मका लागि लाइसेन्सको काम बन्द हुने उहाँले बताउनुभयो ।