कावासोतीको खरकट्टामा स्कुटर दुर्घटना , एकजनाको मृत्यु

कावासोती । पूर्व पश्चिम राजमार्ग अन्र्तगत नवलपरासी ( बर्दघाट सुस्तापूर्व ) नवलपुरको कावासोतीमा गएराति स्कुटर दुर्घटना हुदा एक जनाको मत्यु भएको छ । कावासोती –८, खरकट्टा जंगलमा गएराति स्कुटर दुर्घटना हुदाँ एक जनाको मृत्यु भएको हो । दुर्घटनामा परि मृत्यु हुनेमा कावासोती नगरपालिका वडा नम्बर –२, बस्ने ३५ वर्षीय जिवन राना रहेको जिल्ला प्रहरी कार्यालय नवलपुरका प्रहरी नायव उपरिक्षक दिलिप कुमार गिरीले बताउनुभयो ।
खरकट्टा जंगलमा लु ५८ प ७०४८ नम्बरको स्कुटर र चालक लडि रहेको भन्ने सुचनाको आधारमा घटना स्थल पुगेको प्रहरीले रानालाई रातिनै उद्धार गरि उपचारको लागि मध्यविन्दु जिल्ला अस्पताल पुर्याएको थियो । जिल्ला अस्पतालबाट थप उपचारको लागि पुरानो मेडिकल कलेज भरतपुर रिफर गरिएकोमा पुरनो मेडिकल कलेजले रानालाई मृत घोषण गरेको प्रहरी नायव उपरिक्षक गिरीले  बताउनुभयो ।
दुर्घटनाको कारण नखुलेको प्रहरीले जनाएको छ । रातको समयमा आफै अनियन्त्रित भएर दुर्घटना भएको हो वा कुनै सवारीले ठक्कर दिएको हो भन्ने विषयमा अनुसन्धान भइरहेको उहाँले बताउनु भएको छ ।