राष्ट्रिय जनगणना २०७८ को नवलपुरमा तयारी सुरु/ चैत ५ देखि ११ गतेसम्म कार्यालयमा नै फारम भर्न सकिने

ज्ञानु पंगेनी । कावासोती  राष्ट्रिय जनगणना २०७८ का लागि नवलपरासी पूर्व ९ नवलपुरमा ० जिल्ला कार्यालय स्थापना गरेर काम सुरु गरिने भएको छ ।
आईतबार जिल्ला प्रशाशन कार्यालय नवलपुरमा बसेको जिल्ला जनगणना समन्वय समितीको प्रथम वैठकले यहि चैत ४ गतेभित्र कार्यालय स्थापना गर्ने र प्रचारप्रसारलाई आम नागरिक समक्ष पु¥याउने निर्णय गरेको छ ।
वैठकले महिला , दलित , आदिवासी, जनजाती तथा स्थानीय भाषा बुझ्नेहरुलाई प्राथमिकतामा राखेर गणक तथा सुपरिवेक्षकको अनलाईन आवेदन भर्न चाहनेहरुलाको लागि सबै पालिकाहरुको वडा तहसम्म पुग्ने गरि सुचना प्रवाहको लागि सबै स्थानीय तहमा अनुरोध गर्ने निर्णय गरेको छ । यस्तै प्रचलित जिल्ला दररेटमा नबढ्ने गरि जिल्ला जनगणना कार्यालयका लागि भवन भाडामा लिई सोहि स्सथानमा कार्यालय स्थापना गरि कामकाज सुरु गर्ने निर्णय गरिएको जनगणना कार्यालय नवलपरासी पूर्वका जनगणना अधिकृत जितेन्द्र रानाभाटले बताउनुभयो ।
वैठक प्रमुख जिल्ला अधिकारी मनमाया पंगेनीको अध्यक्षतामा बसेको थियो । वैठकमा सहायक प्रमुख जिल्ला अधिकारी मोहन वहादुर थापा , कोलनिका कार्यालय प्रमुख राम वहादुर केसी , जिल्ला समन्वय अधिकारी देवी प्रसाद आचार्य , कावासोती नगरपालिका प्रमुख प्रशाशकीय अधिकृत रमेश घर्ती , जिल्ला प्रहरी कार्यालय नवलपुरका प्रमुख प्रकाश मल्ल लगायतको सहभागिता रहको थियो ।
वैठकमा १० वर्षमा एक पटक मात्रै हुने राष्ट्रिय जनगणना एउटा उत्सवकै रुपमा रहेको हुँदा सबै सहभागि भएर सफल बनाउन पर्ने र त्यसका लागि सबै मिलेर काम गर्नुपर्ने प्रजिअ पंगेनीले बताउनुभयो ।

जनगणना कार्यालय नवलपरासी पूर्वका जनगणना अधिकृत रानाभाटका अनुसार आवश्यक कर्मचारीलाई अनलाईन मार्फत् आवेदन माग गरिदा , इन्टरनेटको पहुँचमा नभएका र चलाउन नजान्नेहरुले फारम भर्न नसक्ने भएकाले चैत पाँच गतेदेखि ११ गतेसम्म जिल्ला कार्यालयमा नै आएर फारम भर्न सकिने व्यवस्था गरिएको छ । जनगणनामा आवश्यक जनशक्ति पुर्ती गर्न ६० दिने सुचना निकालेर फारम भर्न सकिने व्यवस्था गरिएको छ । उक्त अवधी यहि चैत ११ गतेसम्म मात्रै रहेको छ । स्थानीय र महिलालाई विषेश प्राथमिकता दिईएको समेत रानाभाटले बताउनुभयो । नवलपुरका लागि ४ सय ७२ जना गणक र १०४ जना सुरपरिवेक्षकको माग रहेको छ ।
२०७८ बैशाख २६ देखि जेठ १४ सम्म २० दिनको अवधीमा सुपरिवेक्षकहरु द्वारा घर तथा घरपरिवारको सूचीकरण गर्ने, २०७८ जेठ २५ देखि अषाढ ८ सम्म १५ दिनको अवधिमा गणकहरुबाट मुल गणनाको काम हुने र अषाढ ८ गते जनगणना दिवस मनाउने गरी काम हुने रानाभाटले जानकारी दिनुभयो ।
जनगणनालाई छिटो, छरितो र विश्वसनीय गराउन वडा तहसम्मै विभिन्न समिति निर्माण गरिने भएको छ । प्रमुख जिल्ला अधिकारीको संयोजकत्वमा जिल्ला जनगणना समन्वय समिति, प्रतेक स्थानीय तह र प्रतेक वडावडामा सहजीकरण समिती निर्माण गरिने रानाभाटले बताउनुभयो ।