मध्यविन्दु जिल्ला अस्पतालमा दन्त उपचार सेवा शुरु

कावासोती । नवलपरासी पूर्व नवलपुरको डण्डामा रहेको मध्यविन्दु जिल्ला अस्पतालमा शुक्रबारबाट दन्त उपचार सेवा शुरु गरिएको छ । शुक्रबार सांसद तिलक महतले दन्त उपचार सेवाको शुभारम्भ गर्नुभएको हो ।
अस्पतालमा दन्त उपचार सेवाको शुरु गरेसंगै दाँत रोग सम्बन्धी उपचार हुने र यसले यस्ता विरामीलाई लाभ मिल्ने मध्यविन्दू जिल्ला अस्पतालका जनस्वास्थ्य अधिकृत एवं सूचना अधिकारी छविलाल सुवेदीले बताउनुभयो । दन्त सेवा शुरु भएसंगै यहाँबाट दाँत सफा, स्केलिङ्ग, दात भर्ने, आरसिटी उपचार , नयाँ दाँत राख्ने सहित धेरै जसो दात सम्बन्धी समस्याको उपचार हुने डा. सबिना थापाले बताउनुभयो । मध्यविन्दु अस्पतालले यस अघि आँखा उपचार सेवा समेत शुरु गरिसकेको छ । अब चाडै शल्यक्रियाबाट प्रसुती सेवा लगाएतका सेवाहरु थप हुने अस्पतालले जनाएको छ ।