ढुङ्गा प्रहार गर्दा एक जना घाइते

कावासोती  । नवलपुरको नवलपुरको कावासोती १ बस्ने ३० वर्षीय सुजन श्रेष्ठलाई देवचुली ८ का २४ वर्षीय निशान सिँजाली मगरले ढुङ्गा प्रहार गरि घाईते बनाएका छन् ।
देवचुली – ११ पृथ्वीनगर स्थित भित्री सडक खण्डमा गएराति साढे नौ बजेको समयमा प्रदेश ३–००१– प ८०९५ नम्बरको मोटरसाइकलमा सवार रहेका श्रेष्ठलाई सिँजालीले पछाडिबाट ढुङ्गा प्रहार गर्दा टाउकोमा चोट लागेको छ । घाइतेको भरतपुर अस्पतालमा उपचार भइरहेको छ । सिँजालीलाई अस्थाई प्रहरी पोष्ट दलदलेले राति नै घटना स्थलबाट गिरफ्तार गरेको छ । भने अर्का आरोपित ३० वर्षीय प्रेम गाहा फरार रहेका छन् । सिँजालीलाई इलाका प्रहरी कार्यालय रजहरमा राखिएको छ ।
पुरानो रिसिबीका कारण सिँजालीले ढुङ्गा प्रहार गरेको जिल्ला प्रहरी कार्यालयले जनाएको छ ।