कावासाेती । स्वास्थ्यका लागी खेलकुद राष्ट्रका लागि खेलकुद भन्ने मुल नारा साथ कावासोती -४, मा सन्चालन भईराखेको प्रथम कावासोती नगरस्तरीय क्रिकेट प्रतियोगीताको सेमिफाइनल समिकरण पूरा भएको छ ।
आज भएको पहीलो खेलमा कावासोती -८ लाई हराउँदै कावासोती -१६ सेमीफाईनल प्रवेश गरेको छ। कावासोती- १६, का कप्तान रुपेश गिरीले अलराउन्डिङ प्रदर्शन गर्दै म्यान अफ द म्याच हुनु भएको थियो ।
अर्को खेलमा आयाेजक कावासोती -४, ले कावासोती -११ लाई, २५ रनले हराउँदै सेमिफाइनलकाे खेल पक्का गरेको छ। टिमका ओपनर अमृत लोहनीले उत्कृष्ट ६७ रनको पारी खेल्दै म्यान अफ द म्याच घोषणा हुनु भयाे ।यस्तै सन्तोष सिलवालले २९ रन बनाउँदै१ बिकेट निकाल्दा कावासोती -४ का बलर विशाल डुम्रेले ३ विकेट निकाल्दा आयोजक टिमले सहज जित निकालेको थियो ।
यो सँगै प्रतियोगीताको सेमीफाईनल खेल्ने टिमहरुको टुङ्गो लागेको छ । जसमा कावासोती -३, र कावासोती- १६, को सेमीफाईनल खेल यही २४ गते बुधबार १२ बजे हुने भएको छ । दोस्रो सेमीफाईनल खेल २५ गते १२ बजे कावासोती -४, र कावासोती -१४, बिच कावासोती- ४ , स्थित नवदुर्गा क्रिकेट मैदानमा हुनेछ । प्रतीयोगिताको फाईनल खेल भने यही २७ गते ११ बजे सोही मैदानमा हुने खेल संयाेजक प्रशान्त चापागाईले बताउनु भयो ।
