नारायणी नदिमा पाैडीखेल्ने क्रममा डुबेर गैँडाकाेटका एकै घरका दुई बालककाे मृत्यु

नवलपुर । नवलपरासी (बर्दघाट सुस्तापूर्व) नवलपुर स्थित नारायणी नदिमा पाैडी खेल्ने क्रममा डुबेर दुई बालककाे मृत्यु भएको छ।जिल्लाकाे गैँडाकाेट नगरपालिका -७, स्थित नारायणी नदिमा पाैडी खेल्ने क्रममा सुमन कुमालका छोराहरु १४ वर्षीय सबिन कुमाल र ९ वर्षीय संगम कुमालकाे डुबेर मृत्यु भएको जिल्ला प्रहरी कार्यालय नवलपरासी पूर्व नवलपुरका प्रहरी नायव उपरीक्षक बेदबहादुर पाैडेलले बताउनुभयो ।
नारायणी नदिमा पाैडी खेल्ने क्रममा डुबेर गम्भीर घाइते भएका उनिहरुलाई उद्वार गरि नयाँ मेडिकल कलेज भरतपुर चितवन पठाएकोमा उपचारको क्रममा मृत्यु भएको उहाँले बताउनुभयो । आज दिउँसो साथीहरूसँग पाैडी खेल्न गएका उनिहरु नारायणी नदिमा डुबेका थिए।