नवलपुर । नेपाल नेत्रज्योति संघ नवलपुरद्वारा चालक तथा सहचालकको आँखा परिक्षण गरिएको छ । जिल्लाको कावासोतीमा चालक तथा सह चालकको आँखा परिक्षण गरिएको हो ।
निशुल्क रुपमा सवारी साधनका चालक तथा सह चालकको आँखा परिक्षण गरिएको नेपाल नेत्रज्योति संघ नवलपुरका सभापति होमनाथ जैसीले बताउनुभयो । आँखा शिविरमा १ सय ३५ जना चालक तथा सह चालकको आँखा परिक्षण गरिएको छ । भरतपुर आँखा अस्पताल चितवन , कावासोती सेवा केन्द्रको प्राविधिक सहयोगमा आँखा शिविर सञ्चालन गरिएको हो । परिक्षण गरिएका १ सय २५ जना मध्य १५ जनामा आँखाका विभिन्न प्रकारका समस्या देखिएपछि रिफर गरिएको छ ।
आँखामा आएको समस्याकै कारण चालक तथा सहचालकबाट हुन सक्ने सवारी दुर्घटना रोकथामका लागि उनीहरूको आँखा परिक्षण गरिएको सभापति जैसीले बताउनुभयो ।
आँखा शिविर नेपाल नेत्रज्योति संघ नवलपुरका सभापति होमनाथ जैसीको अध्यक्षता तथा कावासोती नगरपालिका नगर प्रमुख विष्णुप्रसाद भुसालको प्रमुख आतिथ्यमा भएको थियो । शिविरको उद्घाटन गर्दै नगर प्रमुख भुसालले आँखा जस्तो संवेदनशिल अंगको परिक्षण लागि शिविर सञ्चालन गरेकोमा धन्यवाद दिनुभयो । उहाँले चालक तथा सहचालक जस्तो संवेदनशिल पेशाका व्यक्तिको आँखा परिक्षण गर्नु थप राम्रो कार्य भएको बताउनुभयो ।
