डेढगाउँ । बौदिकाली गाउँपालिका वडा नम्बर २ डेढगाउ बालिघाट स्थित बालिघाट सामुदायिक स्वास्थ्य इकाई रहेको स्थानमा अब छिट्टै आँखा उपचार केन्द्र स्थापना गर्ने तयारी बौदिकाली गाउँपालिकाले गरेको छ ।
नेत्रज्योति संघ र भरतपुर आँखा अस्पतालका प्रतिनिधि साथै बौदिकाली गाउँपालिका परिवारको स्थलगत अवलोकन पश्चात् बालिघाटलाई उपयुक्त स्थान ठहर गर्दै बौदीकाली गाउँपालिका, नेत्र ज्योती सङ्घ भरतपुर र भरतपुर आँखा अस्पताल बीचको सहकार्यमा वालिघाटमा आँखा उपचार केन्द्र सञ्चालन गर्न लागिएको हो । आँखा उपचार केन्द्र सञ्चालन गर्नका उपचार केन्द्रको डेकोरेसन गर्नुपर्ने भएकाले एकदुई दिनमा डेकोरेसनको काम सुरू हुने गरि गाउँपालिका लागेको हो ।
पहिलो चरणमा गाउँपालिकाको आर्थिक तथा भरतपुर आँखा अस्पतालको प्राविधिक सहयोगमा गाउँपालिका र भरतपुर आँखा अस्पताल २०८० साल कार्तिक १७ गते आँखा उपचार केन्द्र उद्घाटन गर्ने गरि अगाडि बढेको साथै उक्त दिन आँखा शिविर सञ्चालन गरिने र १७ गते भन्दा १/२ दिन अगाडि नै विभिन्न वडामा गएर स्क्रिनिङको काम गर्ने गरि तयारी अगाडि बढाइएको हो ।
आँखा उपचार केन्द्र स्थापनाले बुलिङ्टार गाउँपालिका, तनहुँको घिरीङ र रिसिङ साथै पाल्पाको निश्दी गाउँपालिका बासिले आँखा सम्बन्धि समस्याको उपचारमा लाभ लिन सक्ने विश्वास गाउँपालिकाले लिएको छ ।
