कावासोती –१७ मा आगलागी हुँदा धनमाल जलेर नष्ट

कावासोती । नवलपुरको कावासोती नगरपालिका –१७, गोछडामा आगलागी भएको छ । राति २ ः १५को समयमा कावासोती –१७,का बोधराज गैह्रेको घरको भान्सामा आगलागी भएको प्रहरीले बताएको छ ।
टिनले छाएको घरको भान्सा कोठामा अचानक आगलागि हुँदा भान्साकोठामा रहेको दराज, फ्रिज , चामल लगायतका सामाग्री जलेर नष्ट भएको प्रहरी नायव उपरिक्षक बेदबहादुर पौडेलले बताउनुभयो । आगलागि बाट करिब १ लाख ५० हजार बराबरको क्षति भएको उहाँले बताउनुभयो ।

आगो दमकल, स्थानीय र प्रहरीको सहायतामा करिब १ घण्टामा नियन्त्रणमा लिइएको थियो । आगो के कति कारणले लाग्यो भन्ने खुल्न सकेको छैन । आगलागिबाट कुनै मानविय र पशुचौपायामा क्षति नभएको प्रहरीको भनाई रहेको छ ।