एमाले नवलपुरले भदौ २ मा प्रचार भेला गर्ने

कावासोती । नेकपा( एमाले) प्रचार तथा प्रकाशन बिभाग नवलपुरले यहि भदौं २ गते जिल्ला स्तरीय प्रचार भेला गर्ने भएको छ । एमाले जिल्ला अध्यक्ष मुक्तिराम पाण्डेको प्रमुख आतिथ्यतामा बिहिबार कावासोतीमा भएको प्रचार तथा प्रकाशन बिभागको बैठकले उक्त निर्णय गरेको हो ।
भेलामा बैचारिक पक्ष, राजनीतिक दृष्टिकोण, राष्ट्रिय स्वाभिमान र सार्वभौमिकता, राष्ट्र निर्माणको स्पष्ट दृष्टिकोण समृद्ध नेपाल सुखी नेपाली प्रचार कार्यको बिषय र प्राथमिकता रहने एमाले प्रचार बिभाग गण्डकीका सदस्य एवम् जिल्ला समन्वयकर्ता विद्रोही गिरीले जानकारी दिनुभयो । भेलामा चार गाउँपालिकाबाट पाँच /पाँच जना र नगरपालिकाबाट सात ÷सात जना सहभागी हुनेछन् । जिल्लामा एमालले गर्न लागेको यो भेला प्रचारको पहिलो भेला हो ।
भेलामा प्रचारका सन्र्दभमा कार्ययोजना सहितका कार्यपत्र प्रस्तुत हुने एमाले नवलपुर प्रचार बिभागका प्रमुख सागर पोखरेलले जानकारी दिनुभयो ।