कावासोती । नवलपुरको कावासोती नगरपालिकाले व्यवसाय दर्ता अभियान सुरु गरेको छ । नगरपालिका कावासोती नगरपालिका वडा नम्बर १७ बाट व्यवसाय दर्ता अभियान सुरु गरेको छ । आइतबार पहिलो दिन कावासोती –१७, मा ७४ वटा व्यवसाय दर्ता गरिएको कावासोती नगरपालिका राजश्व प्रमुख रूपेश गिरीले नवलपुर प्रेसलाई बताउनुभयो । सोमबार समेत कावासोती १७ मा नै दर्ताको अभियान सञ्चालन गरिने उहाँले बताउनुभयो ।
कावासोती नगरपालिका भित्र रहेका सबै वडामा व्यवसाय दर्ता अभियान सञ्चालन गरिने राजश्व प्रमुख गिरीले बताउनुभयो ।
नगरपालिका भित्र रहेका सबै उद्योग व्यवसायलाई करको दायरामा ल्याउन , नियमन गर्न तथा गुणस्तर कायम गरि उपभोक्ता अधिकारको रक्षा गर्न व्यवसाय दर्ता अभियान सञ्चालन गरिएको प्रमुख प्रशासकीय अधिकृत भूपेन्द्र पाण्डेयले बताउनुभयो ।
व्यवसाय दर्ता अभियानले दर्ता नभई सञ्चालनमा आएका उद्योग ,व्यवसायीले समेत लाभ लिन सक्नेछन् । सहज रुपमा दर्ता अभियानमा आफ्नो व्यवसाय दर्ता गर्न सक्ने राजश्व प्रमुख गिरीले बताउनुभयो । व्यवसाय दर्ता अभियान भदौ १४ गते सम्म संचालन हुने छ ।
