वाईज भिजन एसईई परीक्षामा कावासोती नगर प्रथम

नवलपुर । यस बर्षको एसईई परीक्षामा नवलपुरको कावासोती नगरपालिका भित्र वाईज भिजन सेकेन्डरी स्कूल नगर प्रथम भएको छ ।

विद्यालयका प्रिन्सिपल तिलक सापकोटाका अनुसार माध्यमिक शिक्षा परीक्षा एसईई २०७९ को नजिता अनुसार जिपिए प्रतिशतको आधारमा साधारण तर्फ संस्थागत र सामुदायिक सबै विद्यालयमा वाईज भिजन विद्यालय नगर प्रथम भएको हो ।

स्कूलले औसत जि.पि.ए. ३.१७६ का साथ प्रथम स्थान हासिल गर्न सफल भएको विद्यालयका प्रिन्सिपल सापकोटाले बताए । यस विद्यालयबाट २१ जना विद्यार्थी सहभागी थिए ।
कावासोती नगरपालिका वडा नं. ८ मा रहेको गण्डकी बिद्यालयले पनी नगर प्रथम भएको जनाएको छ । गण्डकीले औसत जि.पि.ए ३.१७ ल्याएको छ । तर वाईज भिजनको ३.१७६ रहेकोले आफ्नो विद्यालय नगर प्रथम भएको बताएका छन ।