कावासोतीमा सर्पले डस्दा एकजना घाइते

कावासोती । नवलपरासी (बर्दघाट सुस्तापूर्व) नवलपुरको कावासोतीमा डर्पले डसेर एक जना घाइते भएका छन् । कावासोती नगरपालिका –१७, कि ५१ वर्षीय पार्वती अधिकारी भण्डारीलाई सर्पले डसेर गम्भिर घाइते हुनुभएको हो ।

गोठमा काम गरिरहेको अवस्थामा आज उहाँलाई सर्पले डसेको जिल्ला प्रहरी कार्यालय नवलपरासी पूर्वका प्रहरी नायव उपरिक्षक बेद बहादुर पौडेलले बताउनुभयो । उहाँको भरतपुर अस्पतालमा उपचार भइरहेको प्रहरी नायव उपरिक्षक पौडेलले बताउनुभयो ।