कावासोती एक र चारमा नापीको काम अन्तिम चरणमा

कावासोती । भूमिहीन ,सुकुम्बासी र अव्यवस्थित बसोबासीलाई लालपुर्जा दिने योजना अनुसार कावासोती नगरपालिकामा नापीको काम चलिरहेको छ । कावासोती नगरपालिका वडा नम्बर १ र ४ मा नापी जारी रहेको छ । दुवै वडामा नापीको काम अन्तिम चरणमा पुगेको कावासोती नगरपालिकाले जनाएको छ ।

केही दिन भित्र दुबै वडाको नापीको काम सम्पन्न हुने र अन्य वडामा नापीको टोली खटिने कावासोती नगरपालिका नगर प्रमुख विष्णुप्रसाद भुसालले बताउनुभयो ।
नगरभित्रका सबै वडामा जतिसक्दो चाडो नापीको काम सकेर भूमि सम्बन्धी समस्या समाधान आयोगको समन्वयमा पालिकामा पुर्जा बाँडिने नगर प्रमुख भुसालले बताउनुभयो ।

यसै बिच आज नगर प्रमुख विष्णुप्रसाद भुसाल, उप प्रमुख फूलकुमारी थनेत सहितको टोलीले  कावासोती ४ मा भएको कामको निरीक्षण  गरेको छ । काम के कसरी अघि बढेको छ भन्ने विषयमा बुझ्ने र थप प्रभावकारी रुपमा काम अघि बढाउन स्थानीय समितिले कामको निरीक्षण गरेको हो । निरीक्षण पश्चात कावासोती नगरपालिकामा बैठक समेत बसेको थियो ।
कावासोती नगरपालिकामा हाल कामलाई द्रुत रुपमा बढाइएको छ । नगरपालिकामा यस अघिनै केही वडामा नापीको काम भएको छ ।