शिक्षक संगठनको आयोजनामा आँखा शिविर

नवलपुर ।नेपाल राष्ट्रिय शिक्षक संगठन नवलपुरले आँखा शिविर सम्पन्न गरेको छ ।संगठनले ४४ औं शिक्षक दिवशका अवशरमा आँखा शिविर संगसंगै कावासोती ८ को शैक्षिक चोकमा संगठनको जिल्ला कार्यालयको उद्घाटन समेत गरेको छ ।शिविरमा ५३ जनाको आंखा जांच गरिएको संगठनका जिल्ला सचिव टिकाराम डुम्रेले बताए ।

कार्यक्रममा जिल्ला शिक्षक संगठनका इन्चार्ज नरदेव न्यौपानेको प्रमुख आतिथ्यता रहेको थियो । कार्यक्रमको अध्यक्षता संगठनका जिल्ला अध्यक्ष हरि प्रसाद न्यौपानेले गरेका हुन् ।

कार्यलयको उद्घाटन गर्दे प्रमुख अतिथि न्यौपानेले नयां शिक्षा ऐन तुरुन्त लागु गरिनुपर्ने, शिक्षक सेवा आयोग सबैको विश्वासिलो हुनुपर्ने , शिक्षालाई सरकारले अपनत्व लिनुपर्ने साथै सबैथरी शिक्षकलाई स्थायी गरिनुपर्नेमा जोड दिए । कार्यक्रममा नेत्रज्योति संघका अध्यक्ष विष्णु लम्साल, नेपाल राष्ट्रिय शिक्षक संगठनका पुर्व अध्यक्ष शिव प्रसाद देवकोटा, शिक्षक महासंघका जिल्ला सचिव गिरिराज गिरी लगाएतको उपस्थिति रहेको थियो । कार्यक्रम संचालन संगठनका जिल्ला सचिव टिकाराम डुम्रेले गरेका थिए ।