कोटटाँडी स्थित रामजानकी मन्दिरमा २४ घण्टे अखण्ड कृतन

डण्डा । नवलपुरको कावासोती –१४, कोटटाँडीमा रहेको रामजानकी मन्दिरमा  २४ घण्टे अखण्ड हरिकृतन सम्पन्न भएको छ । शनिबारबाट शुरु भएको अखण्ड कृतन आज सकिएको हो ।
रामजानकी मन्दिरमा भएको (अष्टजाम) अखण्ड हरिकृतनमा वनदेवी कृतन मण्डली, सुस्ता –१, लक्ष्मी सगुन कृतन समूह ,बर्दघाट १३ र जमुनावारी छठमाता कृतन समूह प्रतापपुर –२,का भजन मण्डली समूहले २४ घण्टा निरन्तर भजन कृतन गरेका थिए । 

गाउँमा रहेको मन्दिरमा वार्षिक रुपमा अखण्ड कृतन गर्नुपर्ने समाजसेवी एवं थारू अगुवा चिन्तामणि चौधरीले बताउनुभयो । थारू समुदायमा गाउँमा भएका कुटी ,मन्दिरुमा  वार्षिक रुपमा अखण्ड कृतन गर्नुपर्ने मान्याता अनुसार यो कार्य गरिएको उहाँले बताउनुभयो । 

भजन मण्डलीका सदस्यहरू र स्थानीयवासीको उपस्थितिमा निरन्तर भजन कृतन सहित नृत्य कार्यक्रम गरिएको वडा नम्बर १४ का वडा अध्यक्ष तुलसीराम थारूले  बताउनुभयो ।