भारतीय ट्रकको ठक्करबाट देवचुलीमा एक जनाको मृत्यु

नवलपुर । नवलपरासी (बर्दघाट सुस्ता पूर्व ) नवलपुरको देवचुलीमा आज भएको सवारी दुर्घटना परी एक जना महिलाको मृत्यु भएको छ ।
जिल्ला प्रहरी कार्यालय नवलपुरले दिएको जानकारी अनुसार भारतीय ट्रकको ठक्करबाट रजहर निवासी ५५ वर्षीय डालीमाया दमाईको मृत्यु भएको हो ।
देवचुली नगरपालिका वडा नं २ दुम्कौलीमा पूर्वबाट पश्चिम तर्फ जादै गरेको एच आर ३८ टी ७७१५ नं को भारतीय ट्रकले साइकलयात्री डालीमायालाई ठक्कर दिएको हो । ठक्करबाट गम्भिर घाईते हुनुभएकी उहाँलाई उपचारका लागि मध्यविन्दु जिल्ला अस्पताल डन्डा पठाइएको थियो । उपचारको क्रममा उहाँको मृत्यु भएको जिल्ला प्रहरी कार्यालयका प्रहरी नायब उपरीक्षक सन्तोष पाठकले जानकारी दिनु भयो ।
ठक्कर दिने ट्रकका चालक र ट्रकलाई नियन्त्रणमा लिएर इलाका प्रहरी कार्यालय रजहरमा राखिएको छ ।